「我更願意閱讀敵人，因為敵人會穿透思想的防線。」
柏林
＊ ＊ ＊
1.
其實我是在去年 5 月問阿 Mo 點寫「建設民主香港不為己任」的德文，希望能在六四三十年寫好該篇長文。
因為私心想有系統地學習民族主義，讀哂所有想讀嘅書，方有信心下筆。但書單根本永無盡頭，盧梭、彌爾、阿克頓、馬志尼、赫德、韋伯、施密特。。。痴心妄想每本書都認真由頭睇到尾，力不從心一拖延就放棄。
2.
今年我終於決定厚起臉皮，放低每本書都要睇哂嘅枷鎖，一夜不眠通宵寫十幾個鐘，盡量只憑記憶寫低自己學習民族主義嘅思索。因為讀書未夠，有啲諗法繼續放喺心裡頭。拋滕尼斯嘅書包已經令我好心虛，我唔識德文只能睇中譯，根本唔夠膽講自己睇唔睇得明兩成。因為不可解嘅原因，我終於鼓起勇氣拋滕尼斯出嚟。
3.
我好想分享發現滕尼斯嘅過程。讀韋伯同施密特，都會見佢地喺註釋引述過滕尼斯，但都有啲不情不願，字裡行間都唔妥佢。我明白自己發現到寶藏，正因為我有啲唔妥韋伯同施密特嘅民族主義，佢地都唔妥（但又無奈要引述）嘅人，一定係高手無異，讀後發覺果然。
4.
拙文只有第五段、第十段有原創的價值，其他都係抄抄抄抄抄。不想浪費時間，又想可憐在下的讀者，只讀該兩段就足夠。
5.
少數朋友知道我的學歷，我永遠無法在學問有何成就，讀書只求解開自己的困惑，同睇出別人的高下。
6.
我每次都向立場編輯和記者誓神劈願，下次唔會有咁多錯別字，但結果每次都係向佢地再誓神劈願多次，再麻煩佢地改正錯別字。
拙文通宵寫到六四下晝，重看了幾次已為冇事，發布後立即出門，但回家重看始終發覺錯字多到慘不忍睹。非常感謝立場的編輯和記者大量，又再麻煩佢地編輯文章。下次一定唔會再犯，請原諒！
7.
聽聞落雨會令人鬱結，特意貼一張很喜歡的照片，是新界東北石仔嶺的大榕樹，在晴天。