其實國安法同香港問題只係中美關係的其中一步棋，而呢局棋有太多野要關注，包括台灣、貿易戰、武漢肺炎、孟晚舟、南海、朝鮮、科技轉移⋯⋯
切忌自我中心
所以香港人千祈唔好太自我中心，因為呢局棋好難全贏，所以每個位總會有可以放棄的情況（棄子），又可以做出例如放棄台港換貿易戰、武肺全勝的談判格局。
要俾人知我地係Queen
作為棋子，你最重要係俾人知道你係不能被放棄。要俾人知你係Queen而唔係bishop或者knight。無左Queen你以後就會舉步為艱。所以大家諗多尐無左香港同全世界有乜影響（我覺得呢樣我地好薄弱），大陸間中就話深圳、上海超越香港，就係話俾人知呢隻只係knight，可有可無，但明眼都知香港係Queen，對中共而言係世界唯一資金窗口，無左隻Queen其他的小戰場會好唔掂。
殺棋為大局
而家中共差唔多去到棄Queen保King的時候，所以要鼓勵全世界要殺棋，由於要殺香港棋美國可能會無左隻knight或者bishop（香港金融及對華利益），怕輸怕犧牲其實會拖累全局。
攬炒就係幫隻Queen自爆
所以要解釋多尐的唔係國安法對香港的影響，而係要分柝無左香港呢個金融中心對世界有乜影響，對內要鼓勵攬炒，嗰尐一國兩制高度自治仲有無其實係多餘，唔好諗住返到轉頭。講多尐港府仲有幾多錢守住聯繫匯率，確保尐老泛民唔多再大中華膠，要全香港面對現實。做多尐BNO平權，同埋傾下點去做政治難民。一黎人可自保，二來亡共必港，消滅一個獨裁政權至少做左件好事。
（其實我本來諗過用中國象棋黎比喻，不過兩隻車真係唔貼切）