（獨媒特約報導）2018年7月，《蘋果日報》揭發出戰亞運泳池項目的代表，並非游出最快時間的運動員。審計署上月發表的「第74號審計報告」，提到有關事件。今早立法會帳目委員會上，民主黨林卓廷斥奧委會拒絕向運動員公開遴選準則，做法「黑箱作業」，質問港協暨奧委會「你覺得咁樣公唔公道先？」港協暨奧委會義務秘書長王敏超反駁指，「（運動員）預早知道一啲嘢，會有麻煩嘢出現」，「（運動員）佢地要得到最佳成績，就算知道咗（遴選準則）都唔會特別有用。」
林卓廷轟遴選準則違反常理 石禮謙：要對佢地客氣啲
審計署上月發表新一份審計報告，當中第二章揭示港協暨奧委會多項問題，包括運動員遴選制度透明度不足。報告亦特別列出香港業餘游泳總會有關雅加達亞運的選拔個案，揭發有不符合遴選準則的運動員卻最終獲選代表香港出戰。
港協暨奧委會行政總監鄭國鴻回應報告指，奧委會已於2018年就事件先後發出2次聲明，澄清獲選運動員符合遴選準則1(c)，即已考慮運動員自14至18年期間參與賽事的最佳成績。被問到有泳手時間較快但仍落選，鄭則指「全部係睇成績排名，唔係快慢」，惟遭林卓廷炮轟準則違反常理，質疑「有咩可能賽事成績唔睇時間？」立法會帳委會主席石禮謙則做「和事佬」，稱「佢地係客人、唔係官員，唔熟我地嗰套架」，籲議員平心靜氣討論，
林卓廷續批評，奧委會拒絕向運動員公開遴選準則做法「唔公道」，斥「淨係閂埋門自己知，你當啲運動員死架？」同任泳總主席的王敏超則反駁指，「（運動員）預早知道一啲嘢，會有麻煩嘢出現」，堅稱奧委會及體總做法一向公道，卻遭林卓廷狠批說法荒謬，「點解預先公開會有麻煩？都唔知咩概念」，質疑遴選制度「黑箱作業」，違反公平競爭原則。
石禮謙於休會期間多次勸籲林卓廷，「我地要比啲時間佢地，慢慢問」，復會後亦提醒王敏超用字須小心，「麻煩係麻煩啲咩呢，你自己答返佢啦好冇？」王則決定收回「麻煩」二字，將說法改為公開遴選準則對運動員「不會特別有用」，但堅持做法對運動員「公道」，林則反駁「你唔補獲就算啦。」
民政局未來5年撥2,500萬助落實審計署報告
民政事務局長徐英偉指，來年將開始為奧委會提供每年500萬限時撥款，維持5年，以助盡快落實審計報告建議。廉政公署亦曾於2011年制定《體育總會防貪錦囊》，協助體總提升運作及管治透明度，情況亦適用於奧委會。公民黨立法會議員陳淑莊質疑，「點解等咗9年先比錢」，徐則回應指對奧委會管治狀況「一直關注緊」，過去亦落實不少工作，但因缺乏人手而最終決定撥款。
王敏超於會前亦承諾透過撥款成立督導委員會，並稱將聘請專業人士帶領班子，以針對審計報告內容作出相對改善，惟遭石禮謙質疑「咪又係圍威喂、全部自己友」，籲民政局就督導委員會的組成提交詳細指引。王則回應指，奧委會一直與民政局保持緊密聯繫，重申「運動員係我地既服務對象，我都唔想佢地受屈」，承諾之後會就撥款公開更多資料，盼「比返運動員一個交代。」
多名議員亦有問及遴選委員會的上訴機制，謝偉俊批評上訴制度有名無實，未有處理上訴的明文程序，陳淑莊亦炮轟機制「咩程序都冇，寫比空氣呀？」王敏超則「發晦氣」指「有啲議員覺得要做既，我地咪加返落去囉。」
記者：黃鐙嶠