最近好多人吹噓VPA（Virual Private Network），話靠佢可以隱藏網上身份，傳送Data又會加密 ，仲有VPN公司話要救港所以送記者VPN的service，到底VPN係咪真係幫到大家躲避國安法中限制言論自由的法例同逃避監控先？
VPN 技術圖解
簡單講下VPN的技術先，用左VPN後你以後上網的Device就會將存送的資料加密，再send去VPN的IP，係VPN度解密再做真正傳輸。所以VPN的技術通常係國際公司set私人絡網，使唔同地方的Office可以係同一個Network下工作（早排大家都要home office可能都試過），又可以隱藏網上身份 ，係難以翻查的情況下安全上網（呢個係近期吹噓的原因），而係一啲有網禁的國家VPN主要的作用就係用黎「翻牆」，所以大家返大陸上網，好多時都已經接觸過VPN架啦。
國家機器點監控你？
國家機器係做國家的事，去到IT層面上始終都要技術上的協助，要係IT層面上做監控只有以下3個渠道：
＊從社交網絡搜查
＊從ISP（Internet Service Provider）截取資訊
＊直接打開你的手機／電腦
社交網絡搜查
講得係社交網絡搜查，即係你講的野上左公海，最多只係set左private post，所以社交網絡或者email入面早已記載你的訊息。係正常的情況下，IT公司都唔會出賣你私穩資訊，事關會嚴重影響公司信譽。通常只會有法庭命令的情況下IT公司先會透露相關資料。（其實831法庭夠命令港鐵要交出完整的CCTV啦，咪一樣交唔齊，法庭命令有幾有用真係開始成疑），去到咁，成件事一早落左公海，所以同你有無用VPN真係無關。
直接打開你的手機／電腦
除左女朋友同老婆之外，要打開你的手機同電腦只有被扣捕，手機同電腦變成證物被沒收的時間，到時你只能祈求黑警開唔到你部手機，同裝唔裝VPN真係全無關係。（做足手機同電腦的保安，捱完48小時堅拒唔透露密碼應該無事）
從ISP截取資訊
事實上VPN真正做到的係當你用唔同的Network上網，用公共Wi-fi的時候避免俾人偷取你的資料，去到抗爭層面，其實除非你咁緊急要用公共wi-fi 傳送機密資料，又唔可以用一般本身已經保安十足的通訊軟件，VPN先能夠真正發揮到作用。因為你的device有固定的MAC Address，ISP只要鎖定特定的MAC Address就能夠翻查你的資料，但人係活的，乜野時候去邊度上網都講唔定，去到唔同地方又會轉唔同的ISP，所以以ISP作為長期監察某個特定目標始終有一定難度。
所以講如果你考慮緊屋企上網，除左加密外其實有無用VPN的關係都唔大，因為ISP早已知到你特定的地址，要進行監控其實簡單好多。（好多通訊軟件已經有加密程序，真正要擔心的係email或者point to point 的上下載）
乜野人真正需要VPN？
作為一個IT人，其實我鼓勵所有人係任何時候都為自己的device作最高的保安（我自己一向有用開VPN）。不過就現時香港的實際情況，在未去到網禁要翻檣階段，真正有需要使用VPN技術的係知名的社運人仕、記者（尤其是外媒記者）、同埋曾經被拘捕過又發還電話的人（買過部新架啦），因為呢幾種人本身可能已經被國家機器鎖定要長期監察，VPN亦都可以真正解決由ISP監控的問題。