（獨媒特約報導）沙田區議會前日（5月21日）舉行第五次大會，議程包括討論5月1日沙田新城市廣場「和你唱」事件。多名議員不滿與會的警方代表未有正面回答問題，一度斥其「垃圾」。有議員不滿主持會議的區議會主席程張迎未有盡責任追問警方，浪費會議時間。沙田區政許銳宇更向程張迎發出「忠告」，指如他不改變做法，「將來將會好難做」。
指警方未有正面回答 要求主席追問不果
許銳宇不滿沙田區指揮官梁子健未有正面回答有關限聚令執法準則的問題，中途打斷其發言，指「為咗各位同事嘅生命著想」，要求楊「對準返個問題」。程張迎要求許於下一輪才發言，惟許怒斥「聽我講埋先！」，指「如果會議嘅參與者，係咁兜係咁兜，令到我哋講關於沙田市民重要嘅福祉解決唔到，係咪有責任要追問佢？」
惟程張迎無意追問，表示「佢答問題如果有兜圈，公眾自有判斷」，並指議員可於第二輪發言時追問。許銳宇不滿，直斥「唔好嘥時間喇！第二輪返返嚟之後又要等多兩個鐘，明明答完就解決左嘅問題，你唔處理埋佢！」惟程要求許銳宇停止發言，許直指會議只是「各自表述！浪費生命！」
沙田區政許銳宇
程張迎只要求梁子健繼續回答，並再度表示「佢答得好唔好，公眾、傳媒自有定論」。許銳宇再斥「成日都係咁！你係主席嚟㗎嘛！佢答得唔好你咪問囉！問到佢答到為止囉！」其後程張迎要求楊精準回答問題，並再重申議員可以於第二輪發表自己的意見。
許銳宇再指警方未有直接回應，並向程張迎表示「你作為一個主席，你可以好有禮貌咁問下佢」，「如果唔係呢個話題傾到聽朝都未傾完啦主席！」，「我希望你做多啲嘢啦主席！」
沙田區政曾杰
不滿「嘥時間廢噏」 曾杰「建議」程「攰就休息下」
沙田區政曾杰其後亦表示，希望程張迎運用主席權力，在相關部門答非所問時再作追問，指「坐咗幾個鐘，同事嘅問題一直重覆」的原因是相關部門沒有正面回答議員問題。曾又指「樓上啲記者走晒㗎喇，佢哋寧願報下啲和你Sing，都好過留喺度聽我哋廢噏呀！」。曾又「建議」程張迎「如果攰嘅話就去下廁所、去休息室食下嘢休息下」，指相信區議會副主席黃學禮能夠做「dirty job」。
程再度回應，指無辦法控制第三者的發言質素，「佢講嘅嘢佢自己負責任」。席間有議員詢問「咁你認唔認同冇質素呀？」，獲得一眾議員掌聲。程反應不及，表示「呢個交返畀大家判斷喇」，僅要求警方精準地「逐個回應」。
消防處新界東分區指揮官劉國富（中）
許銳宇發「最後忠告」 程終以較強硬語氣表達
許銳宇於第二輪發言再向程張迎指，當初選舉主席時「沙田區政入面我最撐你，撐到俾其他同事鬧我嘅，我到而家都好尊重你」。許又指「開會唔係要求你做機器，指點邊個邊個發言」，而今日的會議已令不少議員產生不滿，如果仍舊沿用以前做法，「（你）將來將會好辛苦」。許更嚴正表明「呢個係我對你嘅忠告，亦都係我最後一次同你講嘅嘢，如果你再唔改我真係幫你唔到」。
其後多名議員對消防處新界東分區指揮官劉國富回應有關防煙門被警方綁上膠帶的言論極度不滿，程張迎終以較強硬言語表達，指消防處為警方打圓場，或包庇某些錯誤行為，「最少希望你能夠喺呢方面take look」，終令部分在席議員稍為平息怨氣，並指「咁就啱聽喇」。
記者：何紹軒、李嘉鈞