（獨媒特約報導）沙田區議會昨日（5月21日）舉行第五次大會，討論五一「和你Sing」事件。工黨葉榮指當日身體不適沒有在場，有一名防暴警員對其助理說：「你返去照顧你個跛腳嘅區議員啦！」葉榮斥前線警員「失晒控」，經常發表歧視言論，更邀請與會的沙田區指揮官梁子健於下次行動中一起坐輪椅監察警暴。
警侮辱殘疾區議員葉榮：跛腳嘅區議員
沙田區議會於上周四（5月14日）就五一「和你Sing」事件舉行公聽會，警方以「不方便」為由缺席，表示會於昨日大會回應區議員提問。
工黨葉榮因頸椎受損自少需坐輪椅，他指五一當日因身體不適沒有到現場，有一名防暴警員對其助理說：「葉議員係咪跛咗呀嚟唔到，你返去照顧你個跛腳嘅區議員啦！」葉榮斥「前線啲失控綠色物體成日亂咁歧視人」，警方經常著他們到投訴警察課或平機會投訴，但警員沒有展示行動呼號，「係咪擺喺條底褲入面呢？叫人點投訴？」他指警員「最叻講『跛嘅、垃圾嘅，返屋企啦！』呢三句嘢」，要求警方嚴肅跟進。
葉榮又邀請警務處沙田區指揮官梁子健於下次行動中一起坐輪椅監察警暴，「你喬裝一個坐輪椅嘅『葉榮二號』，睇下你啲夥計係點樣失控！」梁子健回應指這不在其職權範圍內。
沙田區指揮官梁子健
警行動呼號為藍底黑字 難以作出投訴
就失明律師陸耀輝於五一當日被警員辱罵「你盲㗎喎，監咩察警暴，你睇到啲乜嘢呀？」，勞越洲質問警方「道德底線去咗邊？」，形容警察的道德和形象破產。沙田區指揮官梁子健回應指，區議會不適合處理投訴，著區議員到平機會投訴；又稱陸耀輝未有作出正式投訴。
鍾禮謙續批評，警員的行動呼號以藍底黑字呈現，加上環境昏暗，根本無法看清，「依家未有行動，唔係陸律師放棄投訴呀，而係因為你（警方）未有資料俾我哋去投訴呀！」鍾指「不過依家都唔等（相關警員的行動呼號）㗎喇」，打算短期內直接根據當日發生的事件和時間去投訴。
5月1日大批防暴警察進入新城市廣場。（資料圖片）
記者：李嘉鈞、何紹軒