（獨媒特約報導）立法會財委會今日（5月19日）審議海洋公園54億救亡撥款，雖然多名建制派議員在會上均表示「好鍾意海洋公園」，但對撥款有保留，質疑園方未能展示來年營運規劃，經民聯石禮謙更揶揄「反對派、建制派都攻擊緊你」。對於商務及經濟發展局局長邱騰華指海洋公園是港人回憶，社福界邵家臻質疑「政府幾時有重視過集體回憶」，「皇后碼頭、囍帖街呢啲集體回憶有無救過、幫過？」
麥美娟建議重新定位 「比小朋友同雀傾計」
民建聯何俊賢質疑海洋公園遞交立法會的報告，未有提及通過撥款後的經濟效益，斥「唔知呢份係帛金定醫療金」。何俊賢批評園方以兩個人質要挾立法會批出撥款，一是園內的動物，二是員工，「睇我同唔同情你」。他亦指出海洋公園的死因是管理不善及沒有特色，建議參考北京故宮推出「慈禧菊花火鍋」等模式，吸引年輕人入場遊玩。
經民聯石禮謙表示「好少見到建制同泛民都反對你」，諷刺園方「同人不同命」，「MTR攞300億又係咁過，你喺度攞54億係難過登天，我個人好同情你。」除了54億撥款，政府同時向財委會申請1,323萬元成立工作小組，為海洋公園尋出路，石又批評顧問費太高昂，「政府班AO瞇埋眼都做到啦，使乜出去搵人做？」
工聯會麥美娟表示兒時「喺酒樓見到魚缸就好開心，依家啲小朋友見到啲魚都唔易滿足」，指公園的死因是吸引力低，更指園內紀念品店的玩具「淘寶都有啦」，建議海洋公園改變營運方針，轉為公眾設施，「比我哋嘅小朋友摸魚、同啲雀傾下計都好呀」。
工聯會麥美娟
邵家臻斥邱騰華「幾時重視過集體回憶」
衛生服務界李國麟指，海洋公園定位模糊，又質疑「以前我嘅年代有個水上樂園嘅，你話冇賺錢就執咗佢，而家你又起翻，係咪你覺得而家有好多人玩水？」他指若公園未能列出收到撥款後的行動，難以同意撥款。李國麟亦批評公園缺乏本土特色，未能吸引遊客入場消費。李國麟表示他的朋友更開玩笑指，公園倒閉後只能讓遊客進去釣魚，但他並不希望用來作保育用途的公園要淪落至此。
社會福利界邵家臻形容撥款予海洋公園「同倒錢落海係無分別」，質疑海洋公園副主席劉鳴煒作為青年發展委員會副主席，未能掌握年輕人的喜好。商經局局長邱騰華過去一星期不停強調「海洋公園係香港人嘅回憶」，邵反駁問道「皇后碼頭、囍帖街呢啲集體回憶有無救過、幫過？」，質疑「政府幾時有重視過集體回憶」，又笑指亞洲電視同為集體回憶，對於亞視不被保留大呼無辜。
朱凱廸
朱凱廸質疑撥款不足還清貸款 劉鳴煒口窒窒：會...會...會還晒
朱凱廸表明反對撥款，質疑為何公園2016年在沒有抵押品的情況下，仍然能夠借到商業貸款，續質問政府是否私下出面，為海洋公園作擔保。
海洋公園副主席劉鳴煒回應時指，與銀行的借貸條款是商業機密，現階段未能公開。當提及申請54億的款項用途時，他則「口窒窒」指「會...會...會...會還債」，將首先還清在12個月內需要還的利息及本金。
朱凱廸再追問申請54億是否能夠還清之前的商業借貸，劉支吾以對，指「會...會...會...還...還...還...晒嘅，miss咗1年嘅利息或本，所...所以銀行就會call loan（收回貸款）。」
雖然有個別議員表態支持通過撥款，但工聯會及民建聯表示黨內未有定案。財委會將於本周五繼續審議撥款。
