今時今日、香港已經變成一個連BB都會被警暴對待嘅地方。黑警無視路人，係商場射胡椒球彈，令一個BB不斷咳、不斷喊，而媽媽只可以眼白白望住自己仔女非常痛苦⋯
今日係母親節，有唔少人係唔同商場參與「和你Sing」。好可惜，一個本來好溫馨嘅節日、好和平嘅示威，最終都係畀黑警暴力清場。有學生記者係商場採訪，就畀黑警指斥佢係「暴徒」、「童工」；有小朋友畀黑警壓住係地下，連氣都抖唔到。
做媽媽最心痛嘅，唔係自己受傷，而係見到自己嘅小朋友受傷害，但又無能為力，#打在兒身痛在娘心 。過去十個月警暴傷害無數小朋友，隨街打、濫捕、嚴刑逼供、甚至涉嫌強姦啲小朋友，要幾兇殘有幾兇殘，要幾變態有幾變態。但點解無一個黑警有事？因為港共政權為打壓打爭異己，放任黑警為所欲為，將香港催化成下一個新疆。
「想留一個點樣嘅香港畀下一代？」
每一個小朋友都係香港嘅未來，佢地受傷，唔單止痛在娘心，亦都令每一個香港人心痛。警暴問題唔可以再拖，為咗下一代可以繼續活於自由國度，問題必須由呢一代人解決，否則就再冇以後。
抗爭，從來唔係為咗搞事，而係出於對呢個地方嘅愛；猶如父母對子女嘅愛一樣無私，卻又無從解釋。