（獨媒特約報導）民政事務總署以預留撥款抗疫為由，削減十八區區議會的社區參與計劃撥款，減幅由5.4％至0.02%不等。荃灣區議會主席、公民黨陳琬琛日前（4月23日）於會上動議反對總署削減撥款，但多名議員質疑力度不足，又提出修正案。陳琬琛不停催促表決，一度稱「今日通過唔到就大家唔好用錢」，惟最終亦同意延後討論，未有就動議進行表決。
荃灣區議會本年度的社區參與計劃撥款被削減2.6％，由2,093萬減至2,038萬。荃灣民政事務專員葉錦菁重申，政府要預留資源抗疫，區議會秘書則指，若然未能通過2020至21年度更新版本的撥款分配，「成個區議會一毫子都洗唔到。」
荃灣民政事務專員葉錦菁
譚凱邦動議扣除民政處工資
對於陳琬琛提出的反對動議，新民主同盟譚凱邦指質疑即使動議獲通過，民政事務總署亦不會補回撥款差額，建議改為削減撥予民政處招聘員工的開支，「佢扣幾多，（區議會）秘書處嘅職員（活動）助理就扣幾多人工」「簡單來講你哋（區議會秘書處）會請少咗個人。」
葉錦菁則回應稱，「咁我哋唯有同佢哋（民政處以區議會撥款聘請的員工）講，依家區議會要炒佢哋魷魚，就聘請少個職員囉唯有。」譚凱邦則指既然撥款未通過，理應未進行招聘程序。民政處一級行政主任劉順德則稱，早前區議會曾通過多聘請一名活動助理，民政處已與該活動助理簽訂合約，將於5月中上班，「我唔知佢辭咗工未啦，如果佢辭咗工佢就變失業人士。」譚再反駁指在撥款未通過下，民政處展開招聘屬違反程序。
區議會副主席李洪波嘗試說服譚凱邦，指削減撥款的是總署，應對準矛頭而非針對荃灣民政處，「你要報復嘅話，呢個係完全唔對焦㗎！同事冇錯到，呢個係民政總署劉江華嘅問題咋嘛！你咪去示威囉？」現場議員聞「劉江華」三字，紛紛嘩然，民政處職員亦偷笑，譚凱邦隨即糾正指「炒咗喇」。劉已卸任民政事務局局長，新任局長為徐英偉。譚凱邦的修訂被否決。
新民主同盟譚凱邦（左）
陳劍琴質疑議案缺乏約束力
荃灣區議員陳劍琴連番對議案欠約束力表示不滿，陳琬琛則指「再提大家，大家可以唔通過（預算）嘅，就我哋全部冇錢用，咁呢個就大家去決定。」副主席李洪波續附和主席，「咁我同你講，區議會嘅嘢絕大部份嘅野都冇約束力嘅」，強調區議會為諮詢組織，惹來在席議員反擊「咁唔洗傾啦！」
期間陳琬琛不停要求進行表決，在席議員則希望繼續討論，陳琬琛多次重申「今日通過唔到就大家唔好用錢啦」，又發脾氣斥「你哋吓吓話規程問題就攞出來傾！」
及後陳劍琴再提出修正動議，「通過補回被扣的2.6%差額後的第1_20-21號文件」。惟區議會秘書指民政總署只批出20,384,550元，「（總署）唔會俾我哋（荃灣民政處），我哋亦都真係唔會有錢比到你哋（荃灣區議會）。」
譚凱邦認為應暫緩表決，多名議員認同，認為討論資料不足。暫緩動議最終由民主黨易承聰提出，林錫添和議，在12票贊成、0票反對及6票棄權下，通過延遲表決。
記者：何嘉茵、梁嘉浩