（獨媒特約報導）對於政府今早宣佈延長多項防疫措施，飲食界立法會議員張宇人稱對政府「好失望」，並狠批政府沒有平衡抗疫與經濟活動，「香港究竟有冇官員識經濟？」、「完全响我嚟講冇科學根據，所謂專家覺得要有零個案、要有廿幾日至可以放寬！」
張宇人指近日疫情放緩，連續數天只有單位數確診個案，一心希望政府可以逐步放寬對飲食業的限制，「香港究竟有冇官員識經濟？經濟呢兩個字係咪喺佢哋字典入面？」他預計措施實施近28日，令國民生產總值消失300多億元。他又指酒吧及卡拉OK勒令關閉，僱主無法向員工支薪，甚至有可能要結業，「再停多14日，（政府）應該拎多50億出嚟！」
他又向記者展示照片，指有食肆使用膠簾分隔座位，做法令人放心，質疑政府沒有平衡抗疫措施與經濟活動，「完全响我嚟講冇科學根據，所謂專家覺得要有零個案、要有廿幾日至可以放寬！」、「係咪一有個案就要閂？」
有消息指，入境處處長曾國衛將接任聶德局擔任政制及內地事務局局長。兼任行會成員的張宇人拒絕透露行會內容，強調今早只想討論業界的事情。
記者：周頌謙