（獨媒特約報導）武漢肺炎疫情肆虐，在康文署封場和限聚令下，體育界成為重災區。香港國際米蘭青訓學院正苦苦經營，前港超聯球員趙俊傑是學院的青訓總監，他接受獨媒訪問時慨嘆，「我覺得自己對唔住啲同事。」
Louis（左）、趙俊傑 （中）、林珊珊（右）
在2018年7月底成立的「國米青訓學院」，一直開辦成人和兒童足球訓練班，學院在去年5月開始開始上軌道，一度接近收支平衡。去年暑假爆發反送中運動，學院失去近一半的收入，趙俊傑帶點無奈地說，「家長話咁亂唔續堂住，無人再嚟試堂。」
負責學院行政工作的趙俊傑指，社會運動令不少課堂取消，原定舉辦的活動如親子訓練及嘉年華亦告吹，「政府喺回應港人訴求上，係有點緩慢，經營公司嘅人難免受到影響。」
學院職員停薪留職
然而，一波未平，一波又起。武漢肺炎疫情，令學院未能推行更大型的項目，導致收入進一步大減。學院在最高峰時曾有12名職員，包括6至8名教練，及有40名兼職教練和工作人員。
趙俊傑（左）、Louis（右）
一場疫情下來，這間足球學院內外皆水靜河飛。趙俊傑指出，由2月起，所有足球教練立即由月薪改為停薪留職，只剩下2人留守辦公室作行政工作。趙俊傑嘆道，「我哋真係一蚊收入都無。」他表示，自己對所有職員感到十分內疚，「九成人都係我搵返嚟，我真係瞓都瞓唔著」。
趙俊傑：只可以開源節流
政府部門不定期召開記者會，管理層每次隨之都要開會應對。學院在新蒲崗的辦公室，在約滿後亦由甲級寫字樓搬到工廠。趙俊傑表示，學院始終是一盤生意，在當前情況下只能開源節流，「其實真係解決唔到。老實講，我幫唔到太多。」
在疫情蔓延下，學院只能開辦小型班應對。教練替學生進行個人及小組訓練，地點在學生的家居附近及遊樂場。政府早前推出限聚令，小型班只能停下來，他帶點無奈地說，「我明白要防疫，但而家見唔到終點。」窮則變，變則通。學院再變通，教練用Zoom向學生實施網上教學班，為學生進行體適能和球感練習等，「無嫁，見步行步囉。」
學院近乎重新起步 趙俊傑指慘過沙士
在第二輪的防疫抗疫基金中，政府向每名在體育總會及機構，於過去一年從事教練工作的註冊教練，提供一次過7,500補助金，預計惠及17,000名教練。
趙俊傑表示，學院的的主要收入是舉辦活動、比賽，訓練班的盈利相對較少，「我哋其實都要炒場先有場。」他邊搖頭邊說，「7,500？有好過無囉，之後嘅問題係好多，幾時可以恢復到同事的月薪呢？真係同幾乎重新開過無分別。」他希望政府的防疫抗疫基金能真正惠及所有行業，「我哋有教練要兼職做物流，有乜嘢搵到錢就要做。」
2003年沙士襲港，趙俊傑當時效力福健，月薪只有4,000元，「嗰時冰河時期，其實大家都好低人工。生意差咗，嗰幾年其實冇老細大搞。」他表示，初出道要捱是順理成章，但今次武漢肺炎則影響深遠，「沙士暑假就無咗，嗰時仲叫人做運動嘅，如果沙士係20分，今次係100分。」
國米足球學院教練林珊珊
女足教練：因為熱愛足球才留下來
受影響的包括國米足球學院教練林珊珊，30歲出頭的她在疫情下零收入。阿珊提到，認識一些全職女教練在停薪期間，需要暫時轉投其他行業，「有朋友去咗做Starbucks侍應。我本身都養緊車，曾經想做Uber幫補下，但呢排少咗人出街，賺唔到幾多。」
阿珊是公民足球隊及港隊代表隊成員，曾出戰奧運外圍賽、東亞女子足球錦標賽及省港盃等賽事。足球教練是她唯一的收入，「1月尾開始封草地場，每日教兩班減到每個星期教兩班。到3月封埋硬地，直情無教過任何班。女仔係冇職業足球員呢回事，所以一直都無糧出，無得教波就完全零收入。」
「喺香港要以足球做全職事業，仲要係女性，其實，一直都無寄望過政府會幫到啲咩。」阿珊淡淡地說，她憶述過往出席港隊集訓，只有30元的車馬費，全因為熱愛足球才繼續留下來，「因為你要比人付出多好多倍。」
國米足球學院發起人、股東之一的Louis
股東對「百分百擔保特惠貸款」有保留
國米足球學院發起人、股東之一的Louis稱，「所有收入都停哂」，形容政府的政策只屬小恩小惠，「9,000蚊都要6月先攞到，幫到office同事嘅，但教練係自僱人士。」
在今年的財政預算案中，財政司司長陳茂波推出「百分百擔保特惠貸款」，支援受影響的中小企業。Louis表示對計劃有保留，指足球學校不屬主流行業，而且沒有穩定的訂單及實際資產，對銀行會否批准貸款擔保有保留，「大家都知借貸有好多要求，仲要睇公司的業務、前景。」
Louis 建議政府對非主流的行業發放更多資助和補貼，「7,500蚊其實只係好過無，交租都唔夠啦，揸保姆車都有一萬蚊。」他強調，不是要埋怨政府，但當局視體育和足球「只係玩下」，「發生社會運動都叫做到生意，今日封哂場係咩都做唔到，行業仲點樣生存係好大疑問。」
記者：麥馬高、黃雅文