有關剛剛的第二輪抗疫措施有關交通部分之我見：
1）港鐵八折，紅Van綠Van以至巴士將進一步被搶客，抗疫為名，趕絕其他公交機構為實。
2）交津由$400起跳變$200起跳，其實益左的是$2黨由拿不到回水變有水回。
30日計，平均一天坐超過3.3程車就夠數了，容咩易。
剛剛同同事就$2黨問題辯論完，其實大家有平車搭是因政府用$2黨資助公交機構，但應該設上限及分層級，而不應一刀切取消$2。問題是，今次事件，卻是借勢保鐵同使$2果班有機會雙重補貼，而七月才實施好多學生都受唔到惠，又一個加劇世代矛盾的理由。
其實，要做的應該是$400後回水比例增加及提高資助金額上限。
港鐵根本不應減價，而應用$400回水比例增加代替，讓乘客自行決定使用最合自己出行需求的公共交通。
不要忘記，部分有join交津計劃紅Van一直希望join埋$2計劃，現在再一次使他們的生意受打擊，以為派錢俾司機就叫做左野？
連抗疫都掛住保鐵再踩多紅van綠van巴士兩腳，呢個政權，唔死都無用，公交政策一團糟。