引言
今時今日打開手機，見到嗰到有特價廁紙 ; 嗰到有限量口罩，大家都應該好有衝動想落街撞吓彩⋯⋯但係大家有無諗過，你哋呢啲「唔執輸」嘅心態正正中咗無良商人嘅圈套，你哋甚至間接做咗林鄭政府「害民」嘅幫兇？ 不過「你哋」唔係指而家睇緊呢篇文嘅你哋，因為我相信呢度嘅讀者都係有良心嘅。
盲搶與惡性循環
大家呢輪落街入貨，一定會見到啲大媽喺鋪頭、貨架前面守候住，心水貨品一上架，就9衝去搶購，唔駛1分鐘，貨品就短缺了。其實明明啲消毒液、米糧同平時嘅入貨量就無分別，點解死都要盲搶？
首先短述「惡性循環」:
1）貨物充足→2）有心人散播貨物短缺假消息→3）小部分不fact check 者大手入貨→4）造成貨物短缺假現象→5）更多市民因怕缺貨而搶購→6）商鋪補貨→1）貨物充足
於是，無良商人睇到武漢肺炎疫情下嘅商機，即使抬高口罩10倍價，仍然有消費力強大者肯俾錢買，繼而令整體口罩、防疫物品價格上升⋯⋯一般市民都會「肉赤」，何況基層市民？所以，盲搶風氣一日仲存在，防疫物品同日用品嘅供應、價格問題都唔會改善。
資源分配與過量囤積
其實防疫物資分配不均嘅情況都同上文嘅盲搶行為有必然關係。大家盲搶完之後，都會發現屋企所存放既物資樣樣都起碼可以用上幾星期。其實你哋唔係松鼠，唔駛積存糧食過冬，積存少啲口罩唔會令你立即染病而死嘅。因為「要未雨綢繆而積存口罩」嘅理由非常可笑、可怕同可恥，唔係話唔俾收埋口罩，但係屋企有廿幾盒口罩仲落街同老人家搶貨嘅你，如此野蠻行為不亦cheap 乎？
基層市民嘅工作地方（例如清潔工人）多數都不甚乾淨，但係偏偏就無口罩用，因為隨咗靠熱心人士贈送，佢哋根本無力負擔俾你哋抬高口罩費用。有無諗過，如果你屋企有用唔上嘅防疫物資，可以選擇捐贈俾社福機構，將佢哋贈予真正有需要嘅人士？
解決辦法（個人見解）
1）為香港着想，自己養成不盲搶、不過份囤積資源的習慣，以盡公民責任。
2）各區區議員多向甚少fact check 資訊嘅公公婆婆以至所以人宣傳 「物資並無短缺，短缺是盲搶造成」嘅事實
3）林鄭下台，光復香港，時代革命
總結
喺艱難時期，香港人四面受敵，有林鄭政府不斷推行害民政策、有黑警暴禍、有肺炎疫情、有中央政治打壓。我哋必須團結一致，盡力幫助基層之餘，自己亦要拒絕盲搶行為，以此抗衡黑商，為我們嘅生活帶回平衡⋯⋯盲搶嘅行為終會無所遮掩咁展露人性嘅野蠻。