（獨媒特約報導）何君堯表示歡迎今早公佈的財政預算案，認為雖然總開支為歷史新高，但明白財政司「防疫及防暴」的作用，強調各行各業在過去8個月受到黑衣暴徒困擾，「承佢哋貴願，終於攬炒，炒出鑊氣」。對於財政預算案大幅增加來年警隊開支至257億，他指「條數唔少」，但只佔整體開支約6%，「你問我警隊開支夠唔夠？肯定唔夠。」他又認為警隊開支「性價比合理」，強調警隊有逾3萬人，反指律政署只有1,000人卻已動用約20億。
他又特別讚揚財政司司長陳茂波「眼明手快」，期望特首林鄭月娥都要在止暴制亂上「手起刀落」，為《基本法》23條立法，「唔好拖泥帶水，唔好再講要等社會氛圍，最緊要係你唔好昏迷。」他強調23條立法是憲制責任，亦是自己的選舉承諾，明言會不遺餘力爭取。
對於政府全民派錢一萬，他認為無可厚非。他指現時特殊情況，必須開源節流，包括擴闊稅基及增加賣地，但政府卻鮮有提及，建議政府在派錢之餘，應另增設銷售稅，「俾多5%出嚟其實唔係咁困難。」
他續稱，香港「窮到淨係得錢」，建議香港參考新加坡購買廣東蘿崗區的土地發展初創，創造機遇由港人發展，「人哋肯去用錢，兼肯去用腦。」他指政府願意大方付錢，但就沒有想過日後如何賺錢，強調「你（政府）出聲，中央一定幫你。」
記者：周頌謙
攝影：鄒樂瑤