（左起）Helios、Ashley、Natalie
（獨媒特約報導）醫護人員罷工行動今日升級，同任職護士的Helios、Natalie及Ashley一同前往醫管局大樓遞交請願信。Helios批評，武漢肺炎疫情是「人禍非天災」，政府拒絕封關令社區爆發風險大增，置一眾「賣命」的醫護人員的安危於不顧：「澳門、新加坡都封，點解林鄭咁固執？」她們屬緊急服務員工，將響應醫管局員工陣線呼籲，從今日起罷工四日。
Natalie坦言，「罷工的犧牲比返工更多」，「有得揀我都想返工」，但政府的不作為令醫護別無他法。Helios憤憤不平道：「成日話封關唔理大陸人感受，咁點解唔理香港人同一班賣命醫護嘅感受？」
對於有指醫護罷工是「逃兵」、「怕死」，Helios即反駁：「我哋驚死仲要話比你聽罷工爭取權益？直接辭職唔好？」她又反問：「人哋係人命，我哋就唔係人命？我哋驚死都要去做！」被分派到「dirty team」工作的Ashley亦道：「我哋唔係奉旨一定要努力面對！」
她們異口同聲批評，醫管局高層從來沒有從前線醫護的角度出發，「淨係叫我哋攜手抗疫，麻煩你落frontline度做！」Helios指，醫護的裝備嚴重不足，N95只得一個模型、污衣籃無人清理、口罩供應也瀕臨緊張，且醫護只得ASTM Level 1的裝備，而非世衞標準的Level 2。Natalie不禁怒斥：「點解人哋警察會有全套保護，但醫護frontline就完全冇？」
昨日多名罷工醫護收到高層電郵，「秋後算帳」已開始。Helios指，做醫護「考牌要好多年，一啲都唔容易」，罷工的代價可能非常大，但她堅定地說：「而家我哋就係要risk呢樣嘢，去話比政府聽頂唔順。」
訪問將盡，Natalie又忍不住多說一句：「我最後想講多一樣嘢。我沙士後已經想做護士，我從來都唔驚死，但係我好介意因為咁樣而死！」
數千名醫護人員響應罷工，排隊到醫管局大樓遞交請願信。
記者：黃蕊獻、陳世浩