1. 究竟算唔算睇左第一次唔算係完全廢的林鄭記招呢？用佢條數計、而家停左內地來港自由行及旅遊團，入境人數下跌至原有三成左右，經餘下的羅湖、落馬洲、機場口岸入境，即留最多人使用的東鐵、航空、部分客運大巴。這叫做止咳？但剩下三成，我擔心對醫療系統及前線人員所造成的壓力仍是很大，香港依然要死好多人。
2. 而且，頭先三成呢條數，係用未調整前的數據計的。不以自由行及旅遊原因來港，還有探親、商貿等原因。又係靠誠實申報呀？cafe隔離枱的女仔都話：「咁咪又係任嚟！我都話探親啦！」實際減少人數，tg group 估計係8%， 沈旭暉估計最多五成。都夠爆發了。唔明點解又輸澳門的清楚斬截一段距離。
3. 我好實際的，唔信政治公關。聽到陳肇始說完全封關不可能、叫醫護努力，我心直往下沉。本地的湖北人追蹤仍未做到，口罩採購未有保障，從大陸回來人士的追蹤隔離未有措施，難以置信的廢。這些做唔乾淨，如果香港人輕率收貨，輸的是人命。
3. 林鄭譴責暉明邨被破壞，一邊呼籲全心抗疫，一邊說如果找不到地方做隔離設施就要家居隔離，「巿民要接受佢哋的鄰居可能在做緊家居隔離」，語帶威脅。其實明明求緊人攞渡假村出嚟做隔離中心，點解仲係咁樣態度，實在不能理解。同樣，執些網上言論出嚟話假消息浪費佢時間，喂你成班高官在記招上說不用戴口罩，是害死人呀，你好意思同我哋計？
4. 攬炒之母世紀突破令藍黃connected，粉嶺路障藍絲勇武令人眼前一亮，呢輪笑得最開心係呢單了。
5. 被指激進的，各工會罷工要求，其實超級理性、正常、合理；包括那兩三單尚未真做的、明顯做了火力控制的炸彈仔，讓人在傷心和擔憂之外，同時感受到強烈憂急的愛。真的不要迫香港人到這種地步。大家都以性命相護了。想起都流眼淚。
6. 我想大家保持民氣與焦急，別信政府，持續施壓，不要渙散，看專家與前線的切實判斷，共同自保。
匆匆草成，有誤請指教。面對官狀病毒，我要大叫一聲：涉及人命，可唔可以認真做呀仆街！