（獨媒特約報導）觀塘區議會昨日舉行第一次大會，民主派以28票贊成、9票棄權下，通過叫停斥資5,300萬的「社區重點項目計劃」觀塘海濱音樂噴泉工程。
觀塘區議會昨日召開第一次大會，民主派議員即動議討論觀塘海濱噴泉，動議人黃子健（樂華北）期望政府能夠詳細交代噴泉有關的工程、合約細節及儘快剎停項目，並向區議會交代剎停項目需要賠償的費用。黃續表示區議會需要繼續討論剎停項目後的後續工作，以及該如何運用餘下撥款，「係資源運用上用得其所，唔好再為過而過」。
多名民主派議員發言支持，李家達（協康）表示觀塘音樂噴泉的工程是為了振興本港旅遊業，然而建制派議員議員並未有考慮到觀塘交通擠塞問題。他稱「民意十分清晰」，觀塘居民不需要音樂噴泉，「但而家就夾硬嚟已經通過咗」，故理應刹停噴泉工程工作。他指若剎停工程賠償金過高，便只好改變噴泉用途，而非繼續以「振興旅遊業」作招徠。
李煒林（麗港城）為當區居民平反，指居民並非如上屆主席陳振彬所言般支持及期待興建音樂噴泉，相反街坊認為音樂噴泉等同「14億起條橋、幾百萬起張凳一樣咁荒謬」，又批評政府沒有做「廣泛諮詢」，「基本上日日去嗰度嘅街坊都毫不知情。」
梁凱晴狙擊建制派議員不發言：「之前表態支持而加又冇意見？」
討論期間，建制派一直未有表態，梁凱晴（月華）將矛頭直指建制派，質疑建制派未有做實事，將居民福利放在首位，「冇理由你哋之前有表態支持呢個音樂噴泉，而加又冇意見？」。她點名批評上屆民建聯議員陳俊傑指音樂噴泉能夠「洗滌心靈」，「令觀塘市民可以有呢個心靈上嘅快樂」，所以「想保皇黨回應下，依家佢地成日話要止暴制亂，呢個音樂噴泉係咪就可以達到洗滌心靈嘅目的呢？」，「邀請」建制派發言。
鄧威文（秀茂坪北）亦狠批建制派「當左我哋係旅發局咁樣」，「定係想將觀塘海濱變做第二個福田購物城」，籲建制派議員「唔好乜都跟住黨嘅意思」。他續抨擊鄰區議員、民建議張培剛漠視民生問題，秀茂坪人口老化問題嚴重，需要更多無障礙設施便利該區居民活動，但張培剛卻只支持音樂噴泉，並希望對方回應。
張培剛被質問後完美「卸膊」：「我都係尊重前屆議員」
張培剛及後反駁鄧威文，指對方沒有資格批評其地區工作，「我相信我對秀茂坪嘅關心絕對會比你多！」他續回應音樂噴泉的議題，先「卸膊」稱噴泉是前屆觀塘區議會的決定，「前一屆我都未做議員啦，上一屆我先做到議員」，指自己並沒有參與決定，只是向「前輩」請教。張又表示「前輩」向他透露無人反對音樂噴泉的議案，他覺得「係呢個議會上面，幾難得揾到一個民建聯同民主黨都唔反對嘅議案」，在尊重「有民意支持的前輩」的前設下選擇繼續支持音樂噴泉。他在發言期間多次強調「幾難得搵到一個獨立民主派、泛民主派同建制派都唔反對嘅議案，好難得有共識」。
李詠珊（牛頭角下邨）斥張培剛推卸責任，「你口講話前一屆決定所以上一屆冇責任？」，認為張的言論是不可理喻。張培剛則「插嘴」回應，再次強調「因為到而家我哋都係要尊重返前一屆嘅決定」。李詠珊則怒稱「我雖然係新人但我都知有規則㗎嘛！」，希望張不要再插口，續表示是建制派「令到大家冇得反對」。
張培剛再次發言時，稱「頭先果位議員（李詠珊）叫咩名呀？」，澄清「係前一屆冇人反對，唔係上一屆冇人反對」，又再一次指「幾難得搵到一個民建聯同民主黨咁有共識嘅議案呢，尤其係一個咁紛爭嘅年代。」
資深民主派議員陳汶堅反斥張培剛「有共識」論
張的「前屆支持論」惹來來自民主黨陳汶堅（栢雅）反駁，「我諗你講緊我啦！我94年做到而加，真係多謝你嘅尊重！」陳汶堅表示自己作民主黨的一員，從未有在觀塘區議會中支持興建音樂噴泉，而其他民主黨區議員亦沒有支持現時的「陸上噴泉」，質疑張培剛的「有共識論」。他再狠批建制派在過往兩屆議會以行政手段騎劫議會，不容許民主派討論有關噴泉的議案，而並非民主派對噴泉沒有反對聲音。
大會就要求政府交代觀塘海濱音樂噴泉工程項合約細節及暫時工程項目作投票，最後議案以獲得28票贊成及9票棄權通過。
記者：鄒樂瑤