近日，一眾藍絲包括施永青、陳健波、邱騰華等，三番四次出場批評黃色經濟圈。大家好似被批評到冇曬心機、覺得搞黃色經濟圈係錯嘅，甚至有些晦氣之言「你咪由得我囉」。我想同大家講：完全唔係呢回事！！一眾派膠藍絲完全認證黃色經濟圈行動已具成效，是真正的「階段性勝利」（笑）！
首先，偉大革命家毛澤東教路：「如若不被敵人反對，那就不好了，那一定是同敵人同流合污了。如若被敵人反對，那就好了，那就證明我們同敵人劃清界線了（一九五○年六月二十三日），一九五○年六月二十四日《人民日報》）」。毛澤東是我們的領袖同舵手（曲），不嬲都是緊遵佢教導架嘛！呢個道理難度大家不明白嗎！而家見唔見到敵人好L驚呀！當黃色經濟圈剛興起之時，坊間甚至政府官員都沒有在公開場合討論。簡單而言，他們根本不相信黃色經濟圈的成效－但半年過去、不少公司的股價同業績，都反映咗一點，黃色經濟圈係好有效的抗爭方式！
其次，歸根究底，搞藍色經濟圈先嘅根本就係佢哋。大家諗下，當我地要罷食藍店嘅時候，都發覺唔係一件容易嘅事。好多大財團都係藍色資本，佢哋難道不是壟斷香港的經濟命脈嗎？由上而下搞藍色經濟圈先嘅，根本就係佢哋；只不過而家我哋所做的，係由下而上搞嘅黃色經濟圈咋嘛。有乜問題？更可乘勢打破大集團大財團壟斷市場的局面。而，梁振英根本就是帶頭想搞藍色經濟圈的始祖。君不見佢之前日日Po Facebook請大家抵制黃店？我們都只是緊導領導的教訓咋！！～
最後一點，就係根據自由資本主義社會法則，個人如何用錢完全係由個人與市場決定，其他人甚至政府根本冇權阻礙。當黃絲堅決要懲罰黃店、但藍絲根本冇呢一個決心同毅力罷食黃店、支持藍店。果40%「沉默的大多數」，根本就是「打咀炮」加「念力」救港，連「幫襯下藍店」呢個舉動都唔願意做。故此，黃色經濟圈能夠成功嘅機會因而大增。由此可見，黃色經濟圈嘅策略係十分成功！而且此舉完全不違法、無須送頭、無須狗咬，D膠官仲好驚添！何樂而不為？
坦白講，我唔係讀經濟，一開始搞黃色經濟圈，我完全唔知咩黎、作為黃絲亦只是實行咁解，我甚至無特別想過究竟「呢件事係咪Work」。但現在，D膠官已經為我們告訴答案－是非常之Work，Work到佢地而家驚到瀨屎。我覺得大家低估左黃色經濟圈的影響力－當膠官不斷話「你地咁做真係唔岩啦」、不就是用另一方式，請大家「高抬貴手」、「求下你地咪撚再咁搞落去」啦？
唔咁搞？無問題，正面積極回應正大訴求就得啦。看就要看大家有沒有「恆心」與「毅力」就是了。