（獨媒特約報導）「粟米，好嘢！要招返餐啦。」在九龍灣公園的草地上，一男子大字形接住了擋出了隊友的射門。「練波可以犯錯，但正式比賽就唔可以。」眼前這名守門員叫鍾偉豪，曾經為了幫補家計，放下最愛的足球，跑去做送貨司機；剛剛渡過二十九歲生日的他苦盡甘來，今季效力港超聯球隊愉園，再圓職業足球員夢。
踢港超、做職業球員對不少球員來說，可說是平常不過，但對鍾偉豪來說卻極奢侈，這條路一走便是十五年。
鍾偉豪五歲便接觸足球，在社區中心參與足球興趣班，十歲決定要做守門員。「嗰時覺得做運動員好型，代表香港、職業足球員係光榮嚟。」他又常常跑去旺角大球場睇波，令他心思思欲成為職業足球員。
2004年，鍾偉豪十五歲。他入選香港青年隊，同期的隊友有葉鴻輝、曾至孝和黃俊皓等人。但幾年下來，鍾偉豪感覺不太對路，「同位的『對手』很強，仲有梁興傑。」他決定邊讀書邊工作，大多是勞動工作。
輾轉幾年間，鍾偉豪在乙丙組球隊油尖旺、葛士寶等球隊浮沉，又試過改踢中堅。「阿輝踢華家堡都係得幾千蚊元，如果捱到，我諗至少可以同佢哋（葉鴻輝、梁興傑）平排，起碼保持到職業生涯吧。」
十年前，葉鴻輝在東亞運一戰成名，近年分別效力南華、東方，一度更有機會北上發展，香港可說是無人不識「英雄輝」；梁興傑亦總算穩坐港超球隊飛馬的正選守門員位置。鍾偉豪跟葉鴻輝、梁興傑是好朋友，不時會一起吃飯和聚會。「真的，久唔久就會諗，佢哋都撈得唔錯，如果我堅持下去，我會點呢？」
足總沒有官方記錄，記者只能翻查遊戲Football Manager ，鍾偉豪在效力葛士寶時，更試過入球。「好坦白講，我覺得無得救，叫自己放棄嫁啦，呢世應該無機會踢職業。」後來，流浪總監李輝立介紹他到港甲球隊元朗，但那已是2013年的事。
適逢元朗需要後備門將，會長王威信給了鍾偉豪一個機會。月薪六千元，鍾偉豪望一望記者說，「搵得李輝立都預咗嘅」。為了生活，他夜晚兼職做運輸送貨，而且返夠兩份，只為幫補家計，「送麵包、送菜，一東一西都要做啦。有時候，銀包無錢就係無錢。」
家住將軍澳的鍾偉豪，早上收工便去練波，日出而作，日入同作，當然無覺好瞓。「有一次恰眼瞓撞車，好彩無事。」鍾偉豪的這份「兼職」，收入高達兩萬多元。在元朗的一年，鍾偉豪只曾一次後備上場，對手是天水圍飛馬，踢了僅十多分鐘。「好緊張，幾興奮，但回想過嚟唔係咩一回事。」
在大西北的一年過去，鍾偉豪未能在頂級聯賽落班，回到乙組踢油尖旺。這幾年在油尖旺、黃大仙和公民徘徊，並運送建築材料。記者不禁問，「其實仲想唔想（職業足球員）？」鍾偉豪說「當然想」，但奈何沒有適合的球隊和價錢，「我都明，呢條路行唔遠，點解唔一邊揸車，同踢得一場一場咁搵錢？」
去季加盟愉園，鍾偉豪替球隊把守最後一關，拿下聯賽和初級組銀牌雙料冠軍。愉園今季升班港超聯，鍾偉豪的職業足球員夢終於迎來曙光。這支老牌球隊重返頂級聯賽，目標培養更多優質年輕球員，鍾偉豪這名「老人家」倒顯得有點格格不入？他笑了一笑，指自己不以拿冠軍為目標，「我只係想保持進步。每個人踢職業嘅時間都有限，要保持進步先難。」
踢回職業，鍾偉豪不諱言因為薪金較理想。在傾合約時，愉園董事潘文迪問他想要甚麼條件，鍾偉豪直接表示，「我年紀唔細了，全職踢就要辭兼職，生活唔到無咩意思。」愉園開出滿意和合理的價錢，令他能一圓職業足球球員的夢。
29歲才正式成為職業足球員，可能太遲，但對鍾偉豪來說，這條路相對夢幻，他表明會盡力行到最遠。「今年係開心，至少做到想做的事情。」事非經過不知難，眼見球隊失球，鍾偉豪便份外勞氣，甚至粗口橫飛。他指出，雖然過往接受正規訓練的時間較其他球員少，但練波的投入和對自己的要求不輸蝕。
「可能好老土啦，但年輕人有機會要多嘗試，專心踢。」工作令人失去動力，勞動工作尤甚。作為過來人，鍾偉豪寄語年輕人不要輕易放棄，「趁後生、無家庭壓力就要去做想做嘅嘢。」
記者：麥馬高