無諗過一個做環保議題既女仔拎獎大家發晒癲，好似要寫兩句。
//環保VS反送中﹕邊個重要。//
對唔住都係要答係環保。對於香港黎講環保好似好遠，但對唔住，第一場氣候戰爭已經爆發過（叙利亞戰爭其中原因就係遇上n百年一遇旱災），熱浪每年死幾千人、如果唔有革命性改變地球會升四至五度，到時如果為水源打仗起碼死一億人。（2050年）
當然你可以話香港係抗共最前線，但即使係咁，站係地球人，環保都係一個超超超超超級重要議題。講緊會打仗，死好好好多人。
// 個女仔又話環保撚，佢又用膠 //
香港環保落後在於佢地從來無將議題變成政治議題，或者係結構議題。單純就係覺得「每一個人過林超英式生活」就解決。但事實就係資本、國家決定9成99既污染，EG 你要慳幾耐先抵消到一次核試，加德士一個鳩決定已經等於1億林超英。
而其實外國一早有綠黨，一早唔會走去做個人化既林超英主義，所以桑伯格根本唔會/唔需要做林超英黎「實踐環保」，香港係環保落後JA，唔好覺得個世界跟住轉。
// 個女仔淨係屌美國唔屌中國啊//
原本件事係，有個記者問佢「你點睇中國都好多排放」，佢答「咁又點，美國係咪可以唔負責任？」 咁有咩迥避？
// 人出世就唔環保架啦，你班左膠幾時絕育//
睇下呢本野，就發現真係唔係太多人，係制度問題。
// 咁點啊死左膠//
無既。不如了解下國際既人其實係點睇香港，或者了解下點解人地覺得環保重要D咁LO。真係發自真心關心下其他人地關心緊議題LO。
你覺得香港好重要時，其實我地好可能有機會係其他國家就係新聞會出5分鐘咁，人地同情一回事，但真係唔好強求太多。
又，講慘，西巴布亞死左40萬人無人理、伊拉克示威第一次就死左幾百人又無人理。 如果要怨，對唔住香港目前都係國際既寵兒，無咩資格怨D咩。
又，香港呢幾個月都多好多國際關懷，係好事。但唔好超級過份地功利， 關心自己地方多D好合理，但如果咩國際連結淨係諗人地可以點幫自己，就係「自私」。又，其實有時大家D功利計算人地會睇到（EG 拜索羅門、杯葛加泰），如果唔係都唔會有個巴基斯坦手足驚大家完左運動會變番以前咁，比D信心人地好無。