題為編輯所擬
【登記功能界別選民: 批發及零售界篇】
一直有朋友inbox我，問我點登記做批發及零售界選民，使我冥冥中覺得，有唔少人想做D野。
希望唔係潑大家冷水（林鄭，2019），個問題係你要入商會，並且選舉事務處有條規定係「你必須在緊接你提出登記申請前的 12 個月內一直是該團體的團體成員或會員，並一直維持運作。」
下年立法會選舉選民登記截止係5月，換言之，你要成功登記本身要係今年5月已經加入並成為生效會員。所以而家登記，難以趕及於今屆立法會選舉投票。
咁係咪入黎無意思呀？當然唔係，仲有選委會選舉，仲有日後的立法會選舉，我地成日都話，咩方法都要試。如果要做選民，就要係界別內八十多個商會中加入其中一個，交足會費，然後向選舉事務處申請登記。
【入咩會好？】
首先請各位理解，八十幾個會，大都親自由黨或建制派，你行業申請加入該會之前，請開下佢網頁，search下背景，你大約掌握咩底。
比較大既商會，當數（2）旅遊服務業協會、（59）香港零售管理協會有限公司，前者做開零售好可能申請過旅遊Ｑo麥認証。主事人與自由黨系人馬較熟絡，係上屆功能組別選舉，雖然我一度加入過香港零售管理協會，佢地亦公開推薦自由黨對手，但好處係行業百搭，跟足程序申請，都能夠順利取得會員資格。
其他主要行業商會包括：香港食品業總會（食品零售批發）、香港中成藥商會、香港中藥業協會（藥房／中藥製藥），特別是香港化妝品同業協會，主要化妝品連鎖店、美容店以及理髮店都在這個界別以內。要特別留意的是：
會員資格—填表入會前，問請楚會員資格，是否有資格登記為功能組別選民，有些會會籍繁複，未必能登記為選民，入左會但無得登記就唔抵。
會費—幾百到幾千都有，我一直批評與「買資格」無異，但多揀幾個，找個較容易便宜的吧
低調—人家都一定會監察會員情況，保持低調，沉默入會最好，免招麻煩。
我三年多前參選，基本上這界別，幾乎沒有人願意開名具名支持，但選舉結果也有三分之一選民支持，德不孤，必有鄰。如果有咩查詢，可以另行與我聯絡。
（有點miss 伍永德 Ng Wing Tak！佢當年選飲食界，飲食界反而比較少「12個月會籍」的問題，有食物牌照過去12個月經營已經合資格登記）（編按：朱凱廸及後撰文澄清，在2020年4月2日前獲得牌照，仍可登記為飲食界選民！）