![你的公義……是下一代的公義嗎?](/sites/all/themes/inmedia_2021/images/white.gif)
今日筆者在教導最愛錫孫仔時,悟出一個道理。
香港有一群今日覺得口中所謂暴徒,係抵死係自作自受,打死無怨。呢個係每一個個體嘅選擇自由,筆者無權力喺呢度作出任何批判。
但今日悟到一個道理,希望各位和我一同撫心自問。究竟示威者爭取嘅,係啲乜嘢呢?
冇錯,你可以唔重視亦都唔稀罕佢地口中既所謂民主!
冇錯,你可以唔重視亦都唔稀罕佢地口中既所謂自由!
冇錯,你可以唔重視唔稀罕佢地口中既所謂公義!
但係你最錫嘅下一代呢?你嘅仔女,你嘅仔女嘅仔女,你可以肯定佢哋都會同你一樣,唔重視呢啲所謂既一切咩?可以肯定佢哋可以甘心俯首稱臣默不作聲?可以肯定佢哋面對不公可以埋沒良心?
今日我地連一個普通既理念都改變不了他們,要求你個仔食西蘭花都做不到;要求你個女十點前返屋企都做不到 ;要求你嘅兒女返到屋企立即做功課你都做不到。
你真係有信心未來嘅佢哋會同你擁有一樣理念咩?假如到嗰一刻,佢同你唔同,你甘願佢地為爭取自己既價值而犠牲?
你可以不讚同他們的價值觀,但今日我地既不作為任由警暴又或支持執法者濫權濫暴,做就了另一個九龍寨城的出現,將邪惡養大,反噬會落在我們下一代。
到那時候,邪惡形成,香港再沒有無辜。到那刻,報應近在咫尺,只不過不在自身而在我們珍重的罷了。