左起兩名男子為林雪迎聘請的保鏢。
（獨媒特約報導）中西區「堅摩」選區候選人、報稱獨立的林雪迎，參選政綱稱要「為女性發聲」，但被指助選團是「全男班」，當中更有男士操普通話、戴黑色太陽眼鏡。林雪迎回應指，有關男士是她聘請的保鏢，希望保護義工團隊及自己的安全。
林指自己很後期才決定參選，身邊的朋友表示很擔心她，指林既無經驗、「又唔識玩政治遊戲」，而且很多候選人受傷，如被咬耳仔、用刀捅胸口等。林在商會認識的朋友建議她聘用保鏢保護自己，「但係香港嘅保鏢唔多，我唯有請大陸保鏢」。她又指，有關開支已申報選舉經費，她共聘請7名保標，只會在投票日服務。
林雪迎：我係BB班 喺西環都要睇Google map
林雪迎坦言，對手黃健菁在西環居住的時間較長，在民生方面「我真係BB班嚟㗎咋」。她又指，自己在堅摩附近連「邊條街打邊條街都唔知，我真係要開Google map」。惟黃指責林?票，林雪迎回應指有關指控「係有趣嘅」，她又指：「如果我真係?票，應該再落力啲擺街站啦」。林解釋，自己「唔係?顏色嘅票，而係?係咪幫到人嘅票」。
林指希望出選西環，因為她很喜歡坐在西環碼頭旁吹海風。她指，自己為了今次選舉已經「碌爆卡」，無論在人情上或財政上。不論最終選舉結果如何，她認為自己參選、踏出第一步，已經贏了。
黃藍答唔出 林：政治唔關顏色事
獨媒記者問林是否屬於民主派，林指「我唔識答你」，又指「咩民主派、本土派，我唔識呢啲詞語背後嘅真正意義」。她指，自己是為較小眾的性別議題發聲，不會因為一個人政見而不幫助他。林雪迎又指「政治唔關顏色事」，只是一個方法將權貴與市民平衡、拉近。她又指自己「無話特別係藍色定黃色，我唔可以為選票去講」，她重申，性別和公義是無顏色之分。林又指自己是真心希望服務市民，「如果唔係我選區議員做咩？成日比人插（批評）、做到爆瘡，我攞啲錢去買袋買衫好過啦！」
同區參選人還有民主動力黃健菁及民建聯陳學鋒。
記者：馮曉彤