（獨媒特約報導）警方圍堵理工大學多日，陸續有人自行步出校園，惟仍有多人留守於校內。昨晚好鄰舍北區教會於尖沙咀梳士巴利花園舉行「SOS理工大學人道救援祈禱會」，會上守護孩子召集人、傳道人陳凱興表示，守護孩子成員因身體狀況問題離開理大後被捕，有前線示威者十分失落，問「守護孩子嘅人都走啦？」陳籲會眾「唔好放棄紀念理大同學，否則香港就玩完」。
另一邊廂，有網民發起昨晚7時於太空館外聚集，聲援理大同學。有參與者表示雖感無力，但仍然出來，望「團結嘅力量會大啲」，又言「香港人嘅未來真係屬於佢哋（年輕抗爭者）。」
守護孩子召集人、傳道人陳凱興
理大糧食不足衞生惡劣 多人患低溫症不夠醫護處理
陳凱興指，理大內糧食不足、浴室水浸、衞生環境極度惡劣，呼籲各界進行人道救援。有中六學生發言稱，校內留守者受巨大壓力，多人患低溫症，「連行路都會震，去廁所彎腰會顫抖」，亦有不少人中了催淚彈，「全身都灼傷」，惟校內無足夠器材和醫護人員協助，很多示威者的傷口都得不到處理。
理大老師被年輕人喚醒 視學生如子女：唔會由得佢哋任人虐待
有理大老師指，校園內斷水斷電，多人受傷，很多學生想要離去也苦無出路。她批評警方圍困大學之舉，「佢（指學生）唔啱係要教，最多咪告佢坐監，但唔係任意虐待佢哋」。她指自己曾「發晒茅」嘗試找學校高層、紅十字會等協助學生，前日又嘗試進入理大，惟遭催淚彈驅散，她指「覺得學生係我仔女，唔會由得佢哋任人打同虐待」。
她又批評，理大校長滕錦光昨日只進校5分鐘，「同（中大）段校長相差好遠」。她表明作為一個老師，「冇學生就冇我哋呢啲職位」，「如果唔用包容既心去聆聽，點幫助佢哋成長？」
她坦言，自己以前不算活躍於社會運動，但6月眼見年輕人阻止送中惡法通過，感覺「佢哋咩都唔怕，我仲有咩怕？」她連月來不斷與學生溝通，形容是「比佢哋喚醒我嘅良知」。
數日來有學生成功逃出，也有學生仍然被困，她特意到場拍攝祈禱會現場：「希望話比佢哋知，佢哋唔係孤單，仲有好多人掛住同鼓勵佢哋。」
守孩成員被捕 陳凱興：絕不相信警方說話
陳凱興其後分享指，星期日晚有約40名守護孩子成員進入理大，坦言當刻感到十分擔心，想叫成員離去，因為當時警方已封鎖校園，並稱會拘捕所有離開理大的人，惟成員均表示受現場年輕人堅定信念感動，希望「繼續留喺度守護孩子」。
陳續指，到了星期一晚，現場人士的情緒已十分低落。當晚前立法會主席曾鈺成稱接獲守護孩子求助，進入理大救人，陳即反駁：「我點求救？有人靠車靠馬，但冇人靠曾鈺成！」他透露，當日理大副校長曾承諾可帶走守護孩子成員，「唔保證警方拉唔拉，但保證唔會比人虐打」。雖陳表示教會絕不相信警方，但由於當時不少上了年紀的成員身體狀況出問題，有人沒有帶心臟科藥物入內，也有人精神頻臨崩潰，故有30多名成員選擇離開，僅餘4人留守。守護孩子成員走後，有留在理大的前線示威者問陳凱興「守護孩子嘅人都走啦？」，更直言「係一個死局，好痛苦」。
陳指，當晚守護孩子成員離去後，即在紅館附近，連同隨曾鈺成離開的30多人，共60多人被鎖上索帶拘捕，再次印證警方多番「講大話」。他又提到星期日晚守護孩子成員曾嘗試循警方建議的Y座出口離開，卻即遭受催淚彈甚至「震撼彈」攻擊，當場暈倒，表明「絕不相信警方說話」。
至昨日下午，守護孩子成員亦已全數離開理大，有成員離去時說：「好對唔住班細路，冇守到佢哋最後一刻。」陳凱興亦十分內疚，直呼：「點解我唔可以同佢哋一齊受苦？」他多番提醒在場人士，在不遠處正有人被政權脅持、虐待，「慘過第三世界國家」，絕不可平白由事件過去。他最後寄望眾人「唔好放棄紀念理大同學，否則香港就玩完」。
（左起）J和R
和理非悲觀恐懼 仍聲援理大學生：香港人嘅未來真係屬於佢哋
R和J響應網上號召到太空館參加集會，R表示，看見理大示威者被困卻「乜都做唔到」，又不夠膽衝上前，故雖然未知集會可以做些什麼仍出來，「可能內心好受啲」，也相信一班人聚集起來，「團結嘅力量會大啲」。
R和J形容，他們是「激進的和理非」，運動以來會參與大小遊行，又會幫忙做哨兵、運送物資等。上星期的黎明行動，J也有份幫忙堵塞港鐵，二人均各自罷工與「被罷工」近四天。雖然如此，R坦言前天也始終「唔夠薑」出來聲援：「佢（警察）已經攞咗步槍，下一個隊冧嘅會唔會係我？」
對於警察的濫暴，R直言「唔係言語可表達嘅憤怒」，質疑現時警員已失控，警察「唔好成日講大話，當香港人蠢」。二人也坦言，對運動感悲觀，認為中共治下港人難以推倒枷鎖，R亦指現時港人「未夠團結去推倒政府」、「太冧善」。雖然如此，R指歷時五個月的運動都「推進到一啲嘢」，令不少港人明白自由的重要性，J亦深信這場運動會埋下民主種籽，終有一日發芽。
二人笑言，已屆「3字頭」，老了無法走得太前，但眼見「更老嘅都有走出嚟，自己點可以唔幫手？」，故盡力做力所能及的事。他們不止一次大讚前線的年輕示威者「勇敢」，坦言當年這個年紀的自己只知玩樂，如今年輕人都「好清楚自己爭取啲咩」，J不禁感歎：「香港人嘅未來真係屬於佢哋。」
記者：黃蕊獻、陳世浩