南京條約割讓香港島俾英國，呢兩日香港俾筆者既感覺，就係人民重演了南北京條約的條文，將永久割讓俾英國嘅土地狠狠地從中國香港分離隔開。

呢個係咩意思呢？今日大家可以見到吐露港公路被切斷後，香港現在已經分為南北兩邊。接接既只係淨返大欖隧道汀九段，作為唯一一個連接點。當見到大欖隧道青朗公路段，可以一直塞到去粉嶺，其中嘅原因係平常可以經由吐露港出市區嘅大部分市民，都只能夠兜遠路從那邊出發，那怕你係大埔去沙田。

可見一個政府城市規劃嘅失敗，問題發生嘅時候係會非常嚴重。只係一條主要公路嘅切斷，已經可以令整個城市面臨崩潰。今次市區一個切斷，狠狠地將南北京條約割讓既香港分解出黎。 假如喺未來嘅日子汀九大欖青朗公路段不幸被堵塞，香港將會正式分裂成南北兩區，係非常可怕然而戰略上非常有可能既事。

另外，香港由一開始嘅城市規劃，就已經充滿弱點。其中一個最大弱點係，連接最重要樞紐機場嘅通道，就只有青馬嶼幹線。無論係馬路抑或係鐵路 ，都必須經過青馬橋呢條唯一通往機場嘅通道。

所以假如示威者發現未來同時堵塞吐露港公路以及汀九橋，整個香港可以說已經完全切斷。更恐怖的事，假如青馬大橋一被切斷，所有的航空樞紐即時可以告終。

可以咁講香港嘅城市規劃，係有根本性地弱點。 平日已經達至飽和的城市，當面臨一啲社會問題甚至係意外，呢個弱點會被無限放大形成事故。昨日不顧大量團結市民嘅和平抗爭，政府反用警暴去回應，激起一波又一波衝擊，令仇恨一發不可收拾，養成那股仇恨正是養虎為患，當真正既反抗出現，政府根本冇能力亦都未準備好，去面對如同外國革命的大規模破壞。

試問，一個連停課也害怕的政府，真的準備好這些可能的反抗嗎？

註： 南京條約 - 清政府將香港島割讓予大英治理
北京條約 - 大清割讓廣東新安縣（今香港界限街以南）的九龍半島（九龍司）給英國。
展拓香港界址專條 - 從1898年7月1日起租借九龍半島界限街以北、深圳河以南的地方及附近二百多個離島，也包括整片大鵬灣和深圳灣水域，為期99年到1997年終結。