想將二噁英入示威者數？咪住！

題為編輯所擬

汪 Sir 話係燒膠同雜物產生二噁英，入示威者數咁喎⋯⋯咪住！

1. 要燒到出二噁英，要有氯 Cl 同 有機物及温度高。
2. 燒乜膠先燒到有二噁英呢？主要有PVC（3號膠：少部份深色嘅膠桶、電線），佢有氯，係有機物。由於 PVC 本身有毒，呢幾十年已經被 PP（5號膠）及 PE(HDPE)（2號膠）取代。示威者唔易係街揾到 PVC。
3. 由於 PVC 含碳量 (38.4%) 比 PP 及 PE (85.7%) 為低，PVC 較難點著燒得，而燒著會又臭又乸鼻，示威者好少玩 PVC，就算燒著都温度低。不如汪汪 Sir 做吓實驗，睇吓 PVC 造嘅膠箱／桶係咪咁易著火啦！
4. 垃圾焚化爐燒 PVC 出到二噁英係因為温度夠高，你係街度開放式咁燒 PVC 係冇咁高温。出到 dioxins 嘅機會唔係冇，但好低！
5. PP 及 PE 易著火，好好燒，又周圍都有，所以主要係燒佢，冇氯，所以冇二噁英。
6. 其它垃圾係冇乜氯，所以燒到出二噁英嘅機會好低。

結論：所以咪轉移視線啦，二噁英係中國催淚彈造成嘅！