（獨媒特約報導）繼前日（11月14日）在北區大會堂對開，約20名人士手持鐵通、伸縮棍棒追打黑衣人士並掟磚，衝突中一名清潔工死方。昨晚十一時在清河邨附近，一名年約五十歲男子持刀追斬三名年輕男子，當中一名男子姆指?傷。警方拒絕落案起訴，表示：「混亂期間輕輕hi一hi到啫，對於佢（刀手）係咪故意斬人我哋有保留。」
警指傷勢小到同爆擦無分別
被斬的少年姆指受輕傷，警方到場後表示：「佢都好返咁濟，同爆擦無分別」、「混亂期間輕輕hi一hi到啫，對於佢（刀手）係咪故意斬人我哋有保留。」惟在場的區議會選舉候選人蔣旻正質疑「混亂期間唔會有把刀」，而另一名到場協助的區議會候選人袁浩倫亦指，就算不落案起訴他傷人，但藏有攻擊性武器也是刑事罪行，質疑警方應落案起訴。警方則回應指該名涉案男子患有精神病，需長期食藥，「佢依家都話唔記得有斬過人。」
街坊不滿，質疑指如警方不落案起訴，生活在附近的居民會很危險，「見到小朋友就襲擊」。惟警察指被追斬的人都十幾歲「唔係小朋友啦！」街坊繼續質疑：「佢哋好彩無穿無爛，你哋就因為咁而唔落charge，係咪想等出咗事先落charge？」討論期間，其中一名被追斬的男童落淚，表示雖然自己沒受傷，但很擔心朋友出事。警察則回應指：「我哋落唔落charge同佢要落樓斬人係無直接關係，而且佢（刀手）唔會終生監禁㗎，佢一定會返屋企」。
被斬少年最終決定不追究
警察將刀手送上救護車，並不斷拒絕回應是否會拘捕刀手，「我哋送刀手去醫院，已經盡咗職責」蔣旻正搖頭指：「無可能唔追究。」警察又質疑蔣不在現場，既不是證人又沒有受傷。警員指目前掌握的證據十分有限：「無CCTV、無人證、我哋都搵唔到把刀」，惟袁浩倫質疑「我見住你哋有伙記執咗㗎！」在場警員表示他們負責前線工作，起訴與否是CID（刑事偵緝處）的同事處理。
在清河邨現場，有市民發現菜刀，惟三名被追斬的少年指，當時兇徒手持的不是菜刀，而是有齒生果刀，亦無印象見過菜刀。少年最後指：「為求自保，決定唔追究」。
有人高空擲水袋 警即時離場拒處理
期間有街坊繼續聚集及指罵警員，有人從高處向街坊投擲水袋，市民隨後向有關住宅單位照射鐳射光，又指罵有關人士，惟防暴警員未能處理並立即離開，市民即指：「有人扔嘢就扮睇唔到？」，「你full gear㗎！咁都走！」
記者隨袁浩倫及蔣旻正到北區醫院跟進，追問警員為何不處理有人刻意高空擲物時，在場警員表示：「唔係呀，當時場面太混亂，同埋啲人一見到我哋出現就非常激動。」
同樣與袁浩倫出選「清河」的有鄭仕蘭及現任區議員、新界社團聯會的藍偉良；蔣旻則在「鳳翠」挑戰民建聯區議員廖興洪。
記者：馮曉彤