筆者今日想想，香港在抗爭時期出現嘅一啲口號， 有五大訴求缺一不可，黑警還眼，香港人加油到香港人反抗，由721唔見人到831打死人到101槍殺人 。究竟未來既口號嘅進化，會向住一個乜嘢方向呢？
先探討一下一直以嚟我哋嘅口號，究竟有乜嘢根本意義？我諗大部分嘅讀者都同我一樣，唔會覺得執法者會因為咁而慚愧，更加唔會因為咁而覺得驚？
咁口號嘅目的，究竟係為咗咩呢？其中最大嘅意義係將抗爭者嘅意念表達出嚟，形成一種凝聚力。
另外，亦都令到大部分嘅和理非市民，能夠因此宣洩心裏面嘅不忿同埋憤怒。
喺大家對於個社會感覺無助嘅時候，一大班人一同叫罵的確令到心裏面舒暢得多，呢個可以話係一直以來抗爭口號嘅最大助力。
口號嘅其他功能
我哋假設口號如果有其他功能嘅話，我哋最希望係乜嘢呢？ 係可以威嚇到對方？可以咀咒到對方？定係可以用言語打敗對方？ 有幾多口號可以好似肥媽嗰首歌咁，真係會令佢哋撤退？ 但係，口號擊退同眼神制敵一樣，係咪真係有用呢？ 我諗大家心裏面 都有個答案。 既然係咁不如比筆者猜想下 ，未來仲有啲乜嘢可行嘅功能。
1 成為證據
假如每次有人濫捕濫打，你身為和你非嘅，不斷叫喊放人，究竟係咪會因為咁而放人呢？ 既然係咁我哋假設係有人錄影嘅話，我哋係咪應該大聲讀有紀律地講出日子地點，警員號碼如有，警隊喊號如有當時地點時間，發生問題？ 令到以後嘅片段可以成為參考，或甚可以成為證據 ？ 亦可將每日非常多非常亂既資源，進行有效分類？ 試想， 一日內發生事故，你記得正確時地嗎？
2 NATO
有紀律地講出日子地點，警員號碼如有，警隊喊號如有，至少可以在現有體制下增取最大利益 。簡單講，即係退一步以現有既規則，去完成呢一場賽事。既然現在只係得監警會，我地就用呢個方法去參與。
現場有一百人叫放人無用？ 我地記錄低NATO - Nature Action Time Other 時間行為地點其他，方便之後所有在場人仕跟進，將情況用現場一百人入紙投訴。
可能會有人覺得咁係無用，但係假如有一百人投訴一個Case，有一百個Case，都無人要有後果，係咪更有效代表監警會無效率無效能 not efficient and effective？ #1
3 凝聚力
為加大凝聚力，一些士氣口號去鼓勵大家不要懶豬舉報，係非常重要。
例如“良民路過.見證犯錯” “舉報違法 匹夫有責” 令在場人士形成一個責任感，去盡良好市民既擔當。
呢個只係口號其中一項功能。還有因無辜而受傷的民事索償等#2，筆者有理由相信，未來口號會開始進化，有其真正的實質意義。未來，文宣一定會令口號，發展得一日千里。
口號會否變成：
2019 10月10日 早上1139分
尖沙咀彌敦道9號髮型屋對出
隊伍號 CSC19
途人高呼口號 被XX以拳腳暴打
#1 [email protected]
#2 https://www.clic.org.hk/tc/topics/civilCase/all.shtml