有很多聲音探討過，香港事件會否引起第三次世界大戰？
筆者堅決不相信香港可以引發大戰，因為香港事件，只係一個藥引，唔係原因。
中國建國七十年，發展一日千里，有目共睹。然而，發展迅速既原因，背後究竟有咩因素？ 因為中國人智慧？ 勤奮？
筆者之前一篇就有提過，中國嘅崛起，一方面係因為佢嘅極權政策助力。請參考筆者《世界政局探討》。
另外又有其他原因-
1 起步點
中國可以喺70年裏面，感覺上，上升極快嘅原因。因為起步於一個從未發展嘅國家，又或者咁講，一個上學期考零分嘅小朋友，佢要喺下學期攞最佳進步獎，機會必定備起比任何人為高。當三反五反人民公社大躍進文化大革命令幾千萬人死，生存亦是問題時，當九十年代首都社會上，仍然只單車為主既國家，呢個起點，再好不過。
2 外國勢力直接協助
令到中國堀起，其中可以不斷搭順風車係關鍵。你可能會問，西方大國如何直接協助呢？ 首先，由於中國大陸未發展嘅時候，人民嘅水平低，工資低，形成 西方大國可以將中國當造一個巨大嘅製作業農場， 又或是一座工廠。為西方大國嘅衣食住行， 建立一條廉價嘅供應鏈。 所以當其時會有nike Adidas嘅工廠剝削中國嘅員工消息。
加上中國嘅急速發展，亦令到西方國家佢哋既有嘅 二等科技，材料，有一個穩定嘅買家以及輸出。就好似你要裝修屋企，你自然會需要地板門窗，傢俬電器，呢啲所有嘅嘢，就變成西方國家，從中國賺錢嘅門路。呢個亦都形成咗70年代，點解大多數同中華民國建交嘅邦交國，都轉而投靠中國。簡單啲講就係因為市場大。
3 外國勢力間接幫助
西方國家已發展嘅所有機械工程，電腦科技，基本上係一本很好嘅參考書。一個用功嘅學生，得嗰一本正確嘅參考書，要進步只需要計較佢有幾努力。 所以你可以見到近20年，你有ebay咩，我有淘寶，你有google，我有百度，你有apple咩，我有華為，從來萬變不離其宗。
一個字，抄功課！所以曾經有好多人，會睇唔起西方大國，覺得佢哋近呢30年，進步緩慢，而中國突飛猛進非常犀利。 筆者只能夠寄語一句，<熟讀唐詩三百首，不會作詩也會吟>
從來抄襲都容易，又或者客氣啲講一句，學習前人嘅智慧，永遠係一個捷徑。但係要成為一個，開拓者，創造者， 就並唔係學習可以抵達嘅一個境界。 innovation 係要經過不斷嘅失敗成功,先可以抵達嗰個層面。
所以，大戰一觸即發?
返返去今日嘅主題,究竟第三次世界大戰會唔會出現呢？ 咁樣要先去睇下， 香港嘅事件點樣牽引成為全世界既焦點，點解令今日全世界都撻伐中國呢個大國。
成為世界雞肋
先前討論嘅重點，今日仍然可以套在中國的發展嗎？ 今日中國， 還是以前那個上學期考零分的小朋友嗎？ 當已經考到七十分的時候，那個進步空間還會那般巨大嗎？ 答案顯然易見，亦由此大家會開始看見中國開始有點力不從心，不知重點放那裡的情況。
其次，由於中國社會進步加快，平均人工已經沒有以往的優勢。當沒有廉價勞工作為光環加持，外資工廠等亦都在不斷撤離。
加上當中國不斷擴張，有自己既供應鏈，上文提到可以購買西方國家輸出，顯然不再存在。反之，堀起反而開始打擊外國本土生產線，例如淘寶出現，令沒QC 的冒牌貨，不斷在國際充斥，君不見上一次三星的supreme Italia 事件，可作一例。
可見將來，以歐美為首的西方大國，看中國已經不再是以往的眼光，其存在可以說是有如雞肋。假如這個央央大國，一直尊重合約尊重條例，它的存在可能還不會引起世界的撻伐。正如鄧小平所說， 韜光養晦，以靜制動，可能不會引起太大回嚮。這可能就是大家看到，二戰後軸心國成員，很快地又融入世界大家庭，而反之中國以受難國身份，於世界被不斷排擠的原因。
可憐的是，國家如此建造，發展過快，暴發戶心態形成高調而極權，自悲作崇形成無限自大的國度，可憐得連一隻小熊也接受不了。央央大國不斷向外挑戰，人民的操守亦令很多地方人民不滿，形成世界出現反華排華心態。
今日美國等西方國家的積極加入香港事件，背後動機如何，大家可說心裡有數。所以說，香港不是原因而是引子，以香港為機會將這極權妖魔化。
今日大部分國家也在發聲，假如妖魔化可以發烤到一個點，Trump 會否於大選前，利用大美國主義，以戰爭去成為佢連任既最大助力？
而經濟層面上，trump 又會唔會放虎歸山，令中共政權可以再有五至十年去再進化？ 假如進化成功，歐美大國在世界的地位汲汲可危。已經被世界妖魔化既中共政權，世界大國是否已經甘心去臣服，這個無節操不尊重條約的國家？
假如成熟到可以得到世界支持去討伐，你認為，西方大國真的會放虎歸山嗎？