（獨媒特約報導）10月27日九龍多區衝突，多次在反送中運動前線調停的民主黨立法會議員許智峯，當日亦有在場。不過他多番被警員嘲諷，有警員表示「喂搶電話呀！iphone 11出咗喇搶咗未呀？」、「罪犯學人講法律！」
晚上在旺角，有警員拘捕市民，許智峯持咪指警方已將他們制服，無必要以膝蓋將其按壓於地上。英籍機動部隊總隊校長莊定賢以廣東話斥許「又係你呀！你又阻住警方做嘢！我已經講咗，唔好再阻住警方做嘢！」有途人上前拍攝，卻被警方於無預警下直射藍色胡椒噴劑，當時民主黨立法會議員許智峯在場協調，記者及許同受胡椒噴劑波及。
許智峯表示自己立法會議員身份是要監察警方執法，要求該名射胡椒水的警員告知警員編號，表明會追究濫用武力，警方反斥「得返一個咋！得你阻住咋！收聲啦！搶手機！」又反問「議員監察？監警會呀？監察？保持十米距離呀！」及「市民比『暴徒』打嘅時候你唔救？你都未答我，有冇良心㗎你？」許智峯回應：「我都好想救呀，你哋封實哂條路。」
該名中椒男子情緒激動，質問警員「邊X個噴呀？我眼都擘唔大喇！」有警員回應：「邊個噴你都唔知？」身旁救護員亦批評警方使用過度武力，指被捕人的判罪是由法官頒下，而不是由警員判定，有警員斥「你救護咋，你講常識？」
許智峯向獨媒記者表示，認為警方的對應荒謬及可笑，在大是大非的時候拿議員的政治風波開玩笑，指控無謂，反映言論是警員是無可批評的情況下說出，「警隊質素就係咁低」。
及後警方在亞皆老街清場，警方不斷著記著返回行人路，態度惡劣，更質疑現場有假記者，許智峯再籲警方冷靜，勿阻記者採訪，有警員斥：「罪犯學人講法律！搶手機 ！喂搶電話呀！iphone 11出咗喇搶咗未呀？」
許智峯已報名參選區議會選舉「中環」選區，已報名的尚有黃鐘蔚。
記者：湯壁瑜