今日搵緊啲講填海工程既學術論文，睇到今期《中國地理科學》有篇講中國河口填海既文章，發現作者在佢整既地圖上，專登剷走左成個香港。
其實你咁樣做，究竟對你分析河口同填海又有咩好處呢？
文中完全冇交代點解會咁做。原因有可能係作者自己整，覺得地理上唔駛包香港入珠三角（which is wrong），索性P圖P走；亦有可能係個期刊審稿個陣，認為研究香港問題依家好敏感，自我審查，眼不見為乾淨；又或者被國內煽動既輿論影響左，出自仇港。
假假地一份英文國際期刊，自1991年起中科院同知名出版社 Springer 合作出版既刊物，攪咁多年仍然都可以咁小學雞，重好有自信咁刊出左張不實地圖。
就連承認一個既有地理現實都可以去到咁自欺欺人既國度，其實都好難怪走到世界各地都冇人尊重你。
參考
MA Tiantian et al., Impacts of Coastal Reclamation on Natural Wetlands in Large River Deltas in China. "Chinese Geographical Science." 2019 Vol. 29 No. 4 pp. 640–651