（獨媒特約報導）今日參與民陣遊行的隊伍到達灣仔盧押道後，市民「自由解散」，分別前往金鐘夏慤道及灣仔警察總部，亦有零星市民選擇繼續前往民陣原定的遊行終點終審法院，然後散去。
遮打花園與平時的周末無異
50後的李先生是其中一位遊行至終審法院的市民，不願露面的他表示「盡公民責任啊嘛，咁嘅年紀係咁意支持，政府唔聽我地講嘢。」他指，曾享盡香港經濟起飛的年代，理解為何現時年輕人感覺「沒有未來」，「希望香港人和平，但係政府都要持平啲，今日嘅後生仔點解咁燥呢？」他認為，現在年輕人難以置業，缺乏向上流動的機會，「畢業萬幾二萬蚊一個階磚都買唔到，仲要生活。」他理解年輕人灰心不無道理，並說自己年紀已無所謂，但年輕人現在才20多歲。
終審法院大樓已圍上膠帶，表明不准進入
最近幾次遊行，李先生都有盡量參與，他說自己最看重兩個訴求：「第一係成立獨立調查委員會，邊個喺背後做啲咩都好，攤開畀市民判斷。第二，政府要全面撤回修訂《逃犯條例》，要withdraw，唔好用suspend，壽終正寢都係唔啱！。」
記者：顏寧、鄭樂煒