係七一遊行完晒，學生衝入立法會再出返黎，警察放晒摧淚彈清場，林鄭4:00記者會，香港瞓醒返工放工序後。大陸網軍終於決定DDoS香港啦⋯⋯er⋯⋯好遲，感覺好遲！
7月2日上唔到連登、立場，係咪DDoS？
其實唔只連登立場，好多網好似baby kingdom同香討都上唔到，其實基本上可以排除DDoS。即係如果黑客要攻擊網站或阻止通訊，必定要集中火力攻打目標，才有阻止網站運作的效果。
最近一個出名的DDoS的例子就係佔中運動的「PopVote」投票網站在2014年6月14日晚9點至11點及6月15日8點至11點半先後遭受駭客發動DDoS攻擊，一度無法連線。投票網站使用三家公司提供的雲端運算服務。其中亞馬遜網路服務系統在20小時內收到超過100億次的域名解析查詢，CloudFlare與UDomain的網路流量分別達到每秒75Gb與10Gb。大部分攻擊來自香港本地ISP。在攻擊事件後，只有CloudFlare願意繼續提供投票服務。
今次出事同樣係CloudFlare
Cloudflare解釋事件
Cloudflare的CEO亦都好快就澄清左唔係DDoS，事實上一個軟體升級出事，做成cloudflare運作唔到，IT人亦都係30分鐘內還原系統。
7月3日fb, ig, whatsapp Load唔到圖
其實只要冷靜尐諗一諗，睇唔到圖同片，又唔係login唔到，點計都唔關DDoS事。fb, ig同whatsapp 而家係同一間公司，明顯係編程要死一齊死，軟件工程師要負責。用腦諗下都可以肯定唔關DDoS事，何況fb咁大間公司，點會靠Cloudflare做網絡保安？要做肯定都自己做埋啦！
Digital Attack Map又點解釋？
Digital Attack Map不可信
首先筆者會質疑attack map的數據點黎，要畫一張咁的map，即係全世界所有server都將自己的數據send多份俾畫圖的人，咁先可以知道transaction 的來龍去脈。問題係就算真係有呢尐數據send俾你，有無能力「接住」都成問題，全世界transaction 的資料喎，你部機可以唔爆？
KOL一個永遠唔會錯的答案：DDoS
DDoS的中文叫「分散式阻斷服務攻擊」，簡單黎講就一大堆殭屍電腦去聯絡攻擊目標，受攻擊的電腦因要處理大量數據而變慢甚至當機。
而互聯網中的數據本身就很多，有時某些網站突然爆紅，CloudFlare 這類保安公司若未能及時調配資源來處理數據，DDoS的效果亦會出現，所以互聯網上的DDoS亦普遍得很。
簡單黎講，DDoS同龍翔道因為多車所以塞車差唔多，日日都會有，只係程度上的分別。但大家無理由因為今日塞耐咗就話係恐襲，仲有好多好多原因可以令龍翔道塞車，可以係修路，亦都可以有黑警road block。
網絡問題亦一樣，次次話DDoS肯定唔會錯，但主因唔一定係DDoS。香港科技版記者求其搵個無tech底的IT KOL黎話DDoS其實好唔負責任。同報假新聞又有乜分別？