當年叱吒風雲的經典組合「2R」－Robben & Ribery。
一個7號，一個10號；一個右腳，一個左腳。右腳嗰個踢左翼，左腳嗰個踢右翼，左右兩邊齊齊玩45度Cut in。洛賓+列貝利=Robbery，一對1+1大於2的組合；
好波之人，有時惺惺相惜，但相惜之前卻係不打不相識。場內試過互相批鬥，話你份人好獨食，更傳過更衣室內大打出手；但最後卻重修舊好，成為合作無間好戰友，某方缺陣時開口掛住好拍擋，入波慶祝總係率先搵對方；
早幾年講起拜仁最先都仲會係諗起「2R」，但近年兩位都開始退位讓賢，隨住今日兩位踢完今場之後都齊齊離開拜仁，「2R」組合已不知不覺成為拜仁嘅過去…
今日德甲最後一場波，兩位後備入替兼齊齊入波，就好似整定咁，要你兩個成為今場波嘅最佳雙主角。入波之餘，亦附帶一個聯賽冠軍，結局總算來得完美。
二人合作無間逾10年，由後生當打到垂暮老將，今日終於功成身退，一個時代嘅告別，喺拜仁嘅日子總算無憾吧？
／／每秒每晚彷似大盜
偷走的青春一天天變老
只可追憶到 想追追不到／／
雖然來季拜仁唔再有Robbery，但呢對呢對經典嘅「7+10」嘅2R，永遠都係拜仁、甚至係球壇雙翼齊飛嘅經典組合。