（獨媒特約報導）海麗邨罷工進入第七日，工人今日下午到長沙灣政府合署進行談判。在罷工工人的身影中，鄧伯可說是年紀較大的一位，他的工作量亦是最龐大。他今年80歲，「一腳踢」負責屋邨整個垃圾收集站的工作，「一個人做四個人的工作」。鄧伯去年因工受傷，休息了一個多月，上司事後竟叫他「唔好報工傷」。
鄧伯每日早上五時多便起床，六時十五分到房署辦公室打卡。他每天的工作就是整理居民丟置的傢私，「砌好床褥同沙發，唔係就有人投訴」。「啲特大床褥最難搬，成8吋厚，壓落嚟真係咪講笑。」
垃圾收集站原本有4個工人，但兩年前只剩下鄧伯，原因簡單；因為除了辛苦，就是辛苦，都是辛苦。走進垃圾收集站的範圍，眼前一件又一件的大型傢私，記者認真數過，有睡床、沙發、雪櫃、床褥和大衣櫃等，連嬰兒床都有一張。
去年十月，鄧伯便因為一次工傷，休息了接近一個月。「諗住睇下床單蓋住啲乜啦，點知有個馬桶喺入面成個跌落嚟，結果撞到腳。」鄧伯說來倒輕描淡寫，但如旁邊的清潔工所形容，「都幾撚大鑊」。
鄧伯在受傷後，自行坐的士去明愛醫院急症室，逢了兩針。「阿頭叫我唔好報工傷，最後係無報，佢俾返的士錢同病假錢我囉，三百幾蚊。」鄧伯現時尚未痊癒，左腳仍然一拐一拐：「依家唔舒服就睇下跌打，年紀大機器壞嚕。」
在一座又一座，整整齊齊的傢私大山背後，是源自工人的努力。食環署的外判承辦商來收集垃圾的時間不定，有時一星期一次，有時則一星期兩次。鄧伯提到，管工有時會「叫執好少少，咁就知道係有人投訴」。「如果有人嚟執二手，就多數要再執過。」有時候，更會有其他附近屋邨的棄置傢私「慕名而來」。香港的廢物分類，不但落後，而且完全沒有關顧工人的實際情況。
十一點有一小時吃午飯，再工作到下午四點。「食乜？去商場食『波仔』囉，一個人點煮飯，無營養？無辦法啦。」鄧伯又表示，每到農歷新年和季節換季前後最多人掉傢私：「唔環保？都唔諗呢啲啦，做完收到工就好啦。」
鄧伯如果放假的話，海麗邨更是沒有任何替工：「唔係無人做，係無人想做邊有人想執垃圾先？」工作量多，人工卻低得可怕。香港工商在去年11月接替民順，工人的月薪由$8,617加至$8,628，多了11元正。鄧伯指出，初入職時月薪是$7,777，「4條7呀嘛，有最低工資咪加咗囉」。然而，辛苦工唔止辛苦，還要面對受傷的風險。「有諗過唔做嫁，但可以點？你話我知。」
昨天是他第一次參與遊行，「我年紀大，大家齊心就好」。鄧伯做過不少工作，11歲便學師做封喉，後來跑了去做海員，去過不少地方：「嗰段日子真係好開心，最自由自在。」後來行船不再，回到香港，又學起做鋁窗來，一做便是幾十年來。2018年，是他在海麗邨做清潔工的第四個年頭：「貪住得近，又想自食其力嘛。」
記者：麥馬高