自上次到訪市建局，市建局閉門不見人，街坊呼籲市建局董事會主席張震遠先生兩星期內回覆，否則再去找他。結果，兩星期過去，街坊苦等主席而無回音，唯有再大一些動作，去市建局樓下尋人，並派發單張於新紀元廣場樓上上班的工作人員，希望他們幫忙找張主席來下接信。
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
市區重建局董事會主席張震遠先生語錄:
2008/10/24：
「重建是香港最大的福利計劃！」
「我地攞左業主、租客d物業，重建左之後，賺到既錢俾番曬佢地！」
「我同你講重建啊is the biggest welfare program there is in Hong Kong，你諗下，香港有邊一個社會服利政策可以俾一個完全無資產，一個月搵三千蚊既一家人，俾佢十幾二十萬，一次過，
no question ask 呢二十萬對佢黎講唔扶貧就假。」
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
但係,實情是:
1)福利你可以選擇要定係唔要, 但係重建揀中你屋企,你就無得揀唔要!
2)張主席識唔識中文?「補償」就係政府攞左人地d野, 俾番恰當的「補償」,玩下字就變左「福利」!?有無搞錯!
3)舊區勁多低收入戶住板間房/套房，根據市建局政策根本無可能賠廿萬！
4)好多低收入戶住舊區係因為租平和鄰近工作地點慳番交通費,但重建一來,地價颷升, 再在附近租房會貴一、兩倍;幫襯開的平價舖又走埋,生活點搞!?
5)市建局事實上點對租客?--法例漏洞：市建局明知故犯
1)《業主與租客(綜合)條例》2004年修訂後，即使租客在租用住所居住多年，並無過犯，業主只要一聲終止租約，並給予一個月通知期，即可要求租客離去，甚至向法庭申請，強行收回 單位。
2) 市區重建局公佈項目並凍結人口後，最少要兩個月才會交發展局確認是否實行重建。
這兩種情況結合起來，便造成了部份出租業主趕走真正在重建區租住的低收入戶租客，置入與自己相熟的租客，或大幅加租租給其他人。
深水埗區議會的市區更新及歷史建築保育工作小組可以做證，這種情況在深水埗區已出現多次，市建局明知問題存在，卻一直置之不理，沒有設定政策去填補漏洞。
現在明明做了人口凍結而開展的重建項目，業主趕租客走，租客搵市建局，市建局卻說項目未開展，唔關市建局事，由得部份業主趕走租客，而市建局則慳番給租客的補償！