今天看東方日報有以下的報道，撮略內容如下：
……中央為澳門特首交接，已有全盤考慮，希望何厚鏵零九年底卸任之前，可以完成澳門《基本法》二十三條立法，拆埋呢個政治炸彈先至功成身退，唔使下任特首一上任就接燙手山芋。消息話，原來中央下達功課畀鏵哥，其中一個用意，係向煲呔曾蔭權施壓，要佢於任內都為香港二十三條立法，蘇州屎要親手抹乾淨，咪以為走得甩！
……所以，香港立法會選舉結束之後，中央就會將目光暫時由香港轉移到澳門身上，部署於澳門打一場二十三條立法硬仗，絕對不容重演二零零三年香港一役「觸礁」擱置的歷史……
……二十三條立法係一個殺傷力大的政治炸彈，中央希望鏵哥下年底卸任前完成拆彈，固然係為力保下屆澳門特首不受牽連；中央同時亦有另一個用意，就係逼煲呔曾二零一二年卸任前，完成為香港有關立法工作。
去年四月，煲呔曾上京接受任命狀，總理溫家寶引用《論語》中 「死而後已」，訓誡煲呔曾，當時有評論認為，中央係暗示煲呔曾要搞掂二十三條立法，煲呔曾就公開否認，話無講過未來五年新任期內處理立法……
以上報道熟真熟假，好快便知，只要那班曾經於○三年有份支持二十三條立法的如：掃把頭、鼠王芬、勞醫生等藉9月7日借屍還魂的話，二十三條立法必指日可待。
現在全城齊齊用高清慶賀紂王擺喜宴之時，紂王已經準備再為我們的頭上放下了一把末日之刃。
心中又再戚戚然……
原文刊於：大醬園