（獨媒報導）前游泳港隊代表方力申開辦的泳會一名9歲男童泳手，因泳會級別未能參加本地錦標賽。事件持續發酵，外界進一步關注泳總轄下「殭屍屬會」問題，泳總會長王敏超回應時稱：「So far 咁耐無人提出嚟，冇乜大影響。如果需要提出，傾咪傾囉。」方力申及後在社交網站隔空回應，質疑泳總管治有問題：「梗係唔整頓啦！因為佢哋有得投票呀嘛！唔係入面啲人點做十幾二十年呀！come on！自古以來都係後浪推前浪㗎啦！唔係點進步呀！」
泳總會長王敏超（資料圖片）
王敏超倡泳手轉會解決事件 「游完咪轉返轉頭囉」
中國香港游泳總會現時轄下屬會分為正式屬會、觀察屬會及競賽屬會，方力申的泳會只屬競賽屬會，該名9歲泳手在成績達標情況下，未能參加11月舉行的錦標賽。泳總早前初步同意，容許該名泳手以個人名義參賽。王敏超今早接受商台節目《在晴朗的一天出發》訪問，指泳手亦可以透過「轉會」參賽，或以個人名義參賽而不計分。
在節目中，王敏超多次提出「解決方案」，認為該名泳手可以轉到其他泳會以參加錦標賽，「游完咪轉返轉頭囉」、「完全唔影響佢哋會有犯規嘅動作」。對於方力申質疑，「轉會」參賽只會壯大正式屬會，令競賽屬會欠缺發展動力。王敏超稱，「咁要個會再努力，訓練多啲人」，又認為競賽屬會要升級不太難。
喚方力申理解情況 稱不應破壞規例
然而，主持亦指「轉會」對泳會發展或欠佳，王敏超稱「其實我哋一路行開都係咁」，並形容是靈活處理，又指泳會之間十分友好：「游完咪返嚟囉，冇所謂㗎。」他重申，即使「少少破例」讓該名泳手以個人名義參加錦標賽，亦不可以為原屬泳會計算分數。
主持同時關注泳手「轉會」後為另一泳會得分，或會有不公道的情況，「但呢個人又唔係嗰個泳會訓練出嚟」。王敏超稱：「始終例就係例，我哋面對咁多個會，你有少少嘢改個例，我哋就變咗好難做，將來就亂七八糟。」他更喚方力申必須理解情況：「我哋做咩事要去禁止佢啫？主要就係⋯⋯唔好定咗個例，破壞咗。」
近年屬會升級數字寥寥可數 王敏超：因未達升級標準
被問到方力申指出，多年來只有三間競賽屬會可以提升到觀察屬會，只有一間觀察屬會升為正式屬會，王敏超認為要從整體情況理解問題，強調沒有為屬會數字封頂，只是相關屬會未能達到升級標準：「香港咁多萬人戶口，咁多地區、咁多泳池、咁多泳會。如果你去到某一個程度就係飽和，再飽和就未必做到增加。」他再三重申，泳總不會阻止屬會升級，但必須按程序做事，「要從一個廣啲嘅角度去睇」。
至於「殭屍屬會」 的問題，王敏超強調：「呢啲會以前達過標！因為某啲情況，內部整整吓，少咗活動，呢啲我理解嘅。So far 咁耐無人提出嚟，冇乜大影響。如果需要提出，傾咪傾囉。」
文化體育及旅遊局局長楊潤雄（中）
下周三進行三方會議 楊潤雄：不應讓制度窒礙運動員發展
新民黨立法會議員何敬康昨日亦提出關注「殭屍屬會」，要求泳總交代相關數字作檢視，以提升透明度及優化屬會升降制。何敬康今早表示，將在下周三與泳總、方力申進行三方會議，商討解決方案。
文化體育及旅遊局局長楊潤雄接受訪問時回應稱，認同不應讓制度窒礙運動員發展。他表示，港協暨奧委會、各個體育總會都需要管理制度，以作資源分配，但認為制度不應窒礙運動員訓練或參賽。