【獨媒報導】港足今晚出戰杭州亞運四強，硬撼日本爭入決賽。港隊守門員教練范俊業接受電台節目訪問，被問到港足是否有機會「偷雞」，范俊業認為港足並非無機會，強調今場絕對五五波，希望最終能取得獎牌：「我哋自己都相信啦。喺教練方面成日都提點我哋一樣嘢，主教練，你哋做到得嘅係！每一日都講，你哋係做得到嘅！」
范俊業今早接受商台節目《在晴朗的一天出發》訪問，指港足在上場對伊朗亦不被看好，但今場對日本同樣會以取勝為目標：「上一場波，大家都唔覺得我哋可以做到，我哋都希望呢一場波，我哋做得到。」
范俊業指日本後場有甩漏 「其實我哋唔係無機會」
日本在今屆亞運賽事未有派出超齡球員，陣中有多名日本職業聯賽、大學生及外流球員，范俊業認為港足有取勝機會。他分析指日本在中前場的配合、走動及意識都非常好，但從上場對北韓可見，後場就有不少甩漏：「北韓就俾咗好多嘅壓力佢哋，變咗係其實我哋唔係無機會，絕對五五波。」
被問到是否「好恨」落場比賽，范俊業就笑言自己亦有落場練習，對球隊取得好成績感高興：「好開心，大家氣氛好好。」他指港隊球員現時心情較輕鬆，但部分球員開始疲累，主教練安達臣已作出調整練習。
港足在13日進行5場賽事，范俊業稱球員的體力回復及輪換需要部署，因為國際賽與本土賽事的速度有出入：「去到咁高水平嘅足球賽事，喺回氣、防守需要更加大氣力。跑動最少，可能踢70分鐘都有8,000（米）。」
足總圖片
正選球員平均跑動9,000米 迫搶令對手犯錯
港足先後在十六強、八強分別擊敗巴勒斯坦及伊朗，歷史性晉身亞運四強。范俊業指一眾正選球員平均跑動達9,000米，有球員的跑動更達11,000米，較平時本地賽事多：「我哋宜家喺前場踢法嘅迫搶，變咗你一定要做到呢個指標。如果我哋唔靠呢個方法，係令唔到對方係有犯錯。」
不過，范俊業承認，港隊就今次賽事的訓練時間不足，但在抵步杭州後才知悉阿富汗、敘利亞退出，球隊才多了數天練習。被問到是否預期港足殺入四強，范俊業稱教練原希望「逐步逐步嚟」，在阿富汗、敘利亞退出前希望先力爭分組賽出線，現時則「有少少貪心」，希望能拿下獎牌。
范俊業讚謝家榮發揮到水準 望有充足集中力
港隊守門員謝家榮在今屆賽事表現神勇，連續兩場淘汰賽不失球。24歲的謝家榮現效力港超聯球隊大埔，在前年涉及紀律問題，在代表香港U23代表隊到日本比賽後醉酒鬧事，曾被禁止徵召進入港隊一年。
范俊業就讚謝家榮發揮到水準，指對方在今年6月入選大港腳，作客越南便首次為一隊上場：「啱啱我哋香港一個月前對文萊，同教練講，你要俾佢呢場波踢主場，因為我哋要準備亞運。因為要話俾佢聽要開始入局，令到佢有信心同埋個節奏，狀態我唔懷疑嘅，希望意志力同集中力足夠，就應該都發揮到。」
足總晚上在銅鑼灣的一間戲院舉辦睇波派對，門票已全數售罄，全港52個商場及36間康文署體育館亦會直播賽事。 范俊業表示，相信在全港球迷打氣下，能為港足增加拼勁，連同杭州的「主場」威力，令港隊球員多一個主場。