（圖片來源：港協暨奧委會）
（獨媒報導）香港游泳代表何詩蓓在巴黎奧運女子200米自由泳決賽贏得銅牌，她在賽後感謝港人在凌晨「較定鬧鐘睇我哋比賽」：「因為我知道我比賽嘅時間，係非常之早，雖然我過去過幾日，同埋嚟緊嗰幾日，唔係咁上Social Media，所以可能睇唔到大家嘅message，但係我都明白到大家對我嘅愛，同埋我亦都收到大家嘅支持，所以多謝晒，希望大家繼續為香港運動員打氣！」
在女子200米自由泳決賽中，何詩蓓以1分54秒55的成績贏得銅牌。她在賽後接受香港傳媒訪問，稱感到好開心，友其在出場的時候看到很多香港旗為自己打氣，父母亦有到場支持：「東京嘅時候，觀眾冇辦法入場比賽，宜家見到咁多香港旗、咁多人支持係唔同啲。」
（圖片來源：港協暨奧委會）
對於再次奪得奧運獎牌，何詩蓓同意今次的意義更特別，因為今屆對手實力更強：「我知道今屆我啲選手實力更加強，明白要上到頒獎台係一件唔容易嘅事，但係我都相信自己嘅實力，亦都知道過去嗰幾年，訓練係付出咗幾多功夫，所以係好special。」
何詩蓓稍後將會出戰女子100米自由泳項目，力爭取得第二面獎牌。