（獨媒報導）曾錄得超過300種海洋物種、耗資2億的大埔龍尾人工灘今年夏季啟用，隨即引來「商機」。發展商擬於龍尾灘旁興建過萬平方米的臨時休閒農場，去年獲城規會批准，並已向地政處申請豁免，處方正在審批中。位處旁邊的蘆慈田村村長表明反對，憂引致更嚴重的交通擠塞，有居民斥「益嚟益去都係嗰啲人（發展商及商戶）」。
相關報導：【港版墾丁？】發展商申龍尾灘旁建休閒農場 地政處收125份反對
鄰近村村長入紙反對無效 20年街坊憂交通「頂唔順」
擬建休閒農場的對面是蘆慈田村，村長梁樹發接受《獨媒》電話訪問時表示，汀角一帶交通配套不足，龍尾灘啟用後塞車情況已日趨嚴重，他或村民皆反對申請。梁樹發雖曾向城規會提交反對意見，惟不知道規劃申請已獲批，指沒有政府部門接觸過他，無奈表示「批咗都無辦法」。
（資料圖片）
已於區內居住20多年的街坊阿然亦反對規劃。他稱並非「為反而反」，認為大美督被打造成「旅遊區」並沒大問題，但質疑交通難以負荷更多人流。他指假期時大美督人多車多，曾多次目睹險象環生的情況，近年他本人亦以單車代替乘搭公共交通工具，避免遇上嚴重塞車。他認為政府應經詳細考慮及規劃才批出申請，質疑「點解咁多問題出現咗都繼續做？」
阿然
關注汀角一帶的社區報《船灣人》成員Fu亦指，大埔區內已有類似的康樂設施，並無興建新農莊的需要：「呢一個唔係居民嘅利益，只不過係少數人嘅商業利益」。她認為政府應優先考慮居民需要，批評規劃「益嚟益去都係嗰啲人（發展商及商戶）」，又質疑是否一定要發展鄉郊，指政府應好好教育大眾：「去鄉郊唔係好似去海洋公園咁」、「唔需要吓吓都要畀錢消費」。
附近商戶指可帶動人流
居民反對，商戶又點睇？去年起在大美督經營美食車的Leo指，龍尾灘啟用後帶旺了夏天的人流，相信新發展能吸引更多人到訪，支持興建休閒農場。對於人流或超出交通負荷，他認為「無可能話因為擔心交通而唔發展，唯一可以做嘅就係諗點樣改善交通」。他認為相關部門可考慮加闊道路，或由發展商興建大型停車場。
龍尾灘附近的友間士多負責人甘小姐稱，雖未聽聞過附近將興建休閒農場，但對此持正面態度，期望落成後能帶動經濟和人流：「熱鬧啲，大家都會知道可能呢度有嘢食，嚟到沙灘嘅人又會知道多啲嘢可以選擇」。但她亦相信規劃將為居民帶來更多負面影響，「沙灘未起嘅時候已經好塞車，如果再多啲人入嚟嘅話，係會塞死晒」。她建議加密來往大美督的巴士及小巴班次，亦稱不擔心農莊「搶生意」：「佢有佢做，我有我做」。
被問到大美督是否適合成為旅遊熱點，甘小姐認為「未理想」，皆因現時大美督地方細但居民多，「太飽滿」，尤其龍尾及蘆慈田一帶居民較多，興建農莊後只會「越嚟越逼」。
甘小姐
龍尾灘遊客：可更便利大埔居民
於平日帶同小朋友到訪龍尾灘的大埔居民黃先生表示，雖沒聽聞過汀角將興建休閒農場一事，但指可更便利居民：「出嚟玩方便啲，唔使去咁遠」。但他指自己稱不上支持此規劃，只是「有會過嚟，冇嘅話最近去元朗錦田嗰邊都有呢類農莊」。