【獨媒報導】2020年7月1日大批市民到港島區遊行，抗議《港區國安法》實施，其後「美心西餅」遭縱火。一名為退休警兒子的19歲男學生於銅鑼灣被搜出汽油彈，他否認兩項縱火罪、一項管有物品意圖損壞財產罪及一項盜竊罪，經審訊後所有罪名成立。被告今（28日）在區域法院求情，法官謝沈智慧批評被告向美心縱火是因為不同意對方的言論，反問：「調返轉咁美心係咪可以搵人燒佢間屋？」被告須繼續還柙至3月15日判刑。
官批評被告毫無悔意
被告黃梓峻（19歲，職訓局學生）。法官謝沈智慧批評，背景報告顯示被告毫無悔意，最後被告撤回報告內的相關說法。
謝官其後指縱火罪十分嚴重，並問辯方控罪的最高刑罰，辯方回答在區域法院最高囚7年，謝官隨即表示：「係終身監禁呀！咁嚴重㗎！」
官指被告攜汽油彈及伙同他人犯案 不比其他縱火案輕微
謝官亦要求辯方逐一讀出相關案例，她並不同意辯方指本案比其他縱火案輕微，因被告攜有汽油彈為加刑因素，而且被告有預謀、與其他人伙同犯案，再加上案發地點銅鑼灣為繁盛地區，若商住大廈被縱火人命攸關。
被告因疫情無法返加拿大讀書 官質疑：我大把朋友啲細路都返到
辯方之後求情指，被告在候審期間有考取不同牌照、沒有放棄自己，謝官立即反駁：「唔係佢想點呀？送佢去加拿大讀書，佢無心機讀又返嚟！」辯方解釋疫情關係被告無法返回加拿大，謝官卻不同意此說法，並指：「我大把朋友啲細路都返到去讀書」，更一度強調「全世界都有（疫情），所以叫 pandemic」。
官反問：美心係咪可以搵人燒佢間屋呀？
辯方又指被告父母離異，被告與父親關係一般，而母親已有另一段關係。謝官又引述被告教會導師的求情信內容，信中提及「被告唔係為個人利益，係為整體社會公平挺身而出」。謝官反問：「燒美心係因為人哋講嘅嘢佢（被告）唔同意，調返轉咁美心係咪可以搵人燒佢間屋呀？」她又質疑：「咩叫為公平環境挺身而出呀？」
辯方一度希望法庭能夠輕判，惟謝官表示：「希望還希望，法律還法律，你要我輕判都要有基礎。」
謝官早前於裁決時指，被告在縱火位置徘徊，其後與縱火人士一同逃跑，因此裁定他伙同其他人縱火。謝官另裁定涉案背包屬於被告，內藏汽油彈和印有「警察 POLICE」字眼的膠套。
控罪指被告於2020年7月1日，在銅鑼灣富明街和波斯富街交界，以及波斯富街的美心西餅外兩處地方，用火損壞一些雜物。他另被控於同日，在銅鑼灣時代廣場中庭管有3個汽油彈和1個打火機；及在香港盜竊1個印有警察字樣的塑膠套。
案件編號：DCCC 170/2021
相關報導：
7.1美心閘門遭縱火 19歲青年縱火藏汽油彈等4罪成
警二代17歲學生被控縱火等4罪 警長否認曾對被告稱：你當我戇X㗎？