（獨媒報導）行政長官林鄭月娥於兩年前《施政報告》提出，將位於香港仔的珍寶海鮮舫交予海洋公園物色機構營運，惟兩年後宣告告吹。海鮮舫擁有人計劃於本月將之移離香港，有七名立法會議員早前聯署要求政府研究活化方案。立法會議員、古物諮詢委員會前主席林筱魯於電台訪問時，認為政府不宜介入經營，他更以插喉作比喻：「講句唔好聽﹐原本個生意已經癱瘓左。你係咪永遠幫佢插喉吊佢命，然後假設吊命吊到有一天，佢就會好返呢？」「活現香港」創辦人陳智遠則認為「各方冇咩心去做」，仍以因循方式思考。
林筱魯：留低隻艇但冇海鮮食，咁仲係咪珍寶海鮮舫？
珍寶海鮮舫一事廣受關注，前古諮會主席、立法會議員林筱魯今早接受港台節目《千禧年代》訪問，他指受限《古物古蹟條例》，難以為珍寶海鮮舫評級，「如果我話留低隻艇，不過冇海鮮食，咁佢仲係咪珍寶海鮮舫？」他指如珍寶海鮮舫改作博物館，用途已不是「海鮮舫」，文化及社會價值成疑。
林筱魯
古諮會的評級準則包括建築物的歷史意義、建築特色、群體價值、社會價值或地區價值、保持原貌程度及罕有性。他指社會過去亦鮮有討論「究竟我哋係想保留海鮮舫？定一個浮躉上嘅建築呢？」又反問如果珍寶海鮮舫有高社會價值，「咁點解佢經營唔到？」
對於是否支持政府介入，林筱魯稱要分清楚「保硬件定保軟件」，指既然本身都無法繼續經營海鮮舫，又如何「保育」，「嗰個唔係活化喎。」他認為政府不適合介入經營一盤生意，每年投放一億數千萬不符成本效益，認為「搵幾十隻舢舨發牌做艇仔粥」吸引力更大，而政府連美食車計劃亦無法延續，需考慮實際執行問題。他指海鮮舫停業已一段時間，亦未見有業界接手，形容「暫時睇唔到出路」。
陳智遠：各方都冇咩心去做
「活現香港」創辦人陳智遠稱對事件感到可惜，指各方在兩年前已嘗試尋找繼續營運的方法，但認為各方「都冇咩心去做」，仍以因循的方式思考。他指政府不願出錢、船方無意轉營，接手的海洋公園亦有財政問題﹐結果都是預期之內。
陳智遠
陳智遠認為，珍寶海鮮舫是受疫情拖累而嚴重虧損，疫情前一直沒有所謂的大問題，建議以公帑或第三方津貼支持短期運作，待旅客重來後自行營運。他認為應從整體旅遊規劃及文化地景的角度思考，希望有創新靈活的方法應對。
他亦反對將海鮮舫搬離原址，強調海鮮舫最核心的是文化地景﹐「唔係純粹想保住佢個殼」，指海鮮舫位處香港仔避風塘已逾五十年，亦是外國旅客景點，對當地人及區外人均有回憶。