（獨媒報導）一連三日起在維園舉行的家鄉市集，多個省級同鄉會在場內擺檔。無綫藝人陳百祥亦處子下海售賣鮑魚、紅酒及月餅。有記者問陳百祥，有否感到香港現時社會氣氛已經不同。陳百祥就表示：「無咩慣唔慣嘅！你入去國家睇吓，有無呢啲晚會？都無㗎！一樣嘅，我哋一國兩制，慢慢慢慢融入國家㗎啦，以經濟行先㗎嘛！」
已解散的支聯會自1990年起至2019年，曾連續30年無間斷，每年6月4日在維園舉辦燭光集會。《港區國安法》2020年7月在港頒布，支聯會在前亦被控「煽動顛覆國家政權」罪。警方在過去兩年圍封維園，禁止市民聚集。今年則由26個省級同鄉會，在6月3日起一連三日舉辦家鄉市集。
妻子黃杏秀在場打點 陳百祥稱維園氣氛非常好
陳百祥早上已到達維園，不少市民與他自拍合照，他其後接受內地中央電視台訪問，其妻子黃杏秀亦在場打點。《獨媒》問陳百祥氣氛如何，他就表示氣氛非常好：「大家普羅大眾又開心，有個假日可以買唔同類型嘅嘢。你知啦，有廿幾個省一齊參加，我就有幸有個細攤位。」
黃杏秀（右）
該檔攤名為「Nataland Store」，共售賣8款食物及紅酒，包括628元一隻澳寶牌5頭鮑魚，及另外4款月餅等，售價由358至398元。陳百祥對《獨媒》稱，今次是人生第一次「賣嘢」：「我自己最鍾意嘅嘢就拎咗出嚟，我從來賣從來未賣過嘢！第一次！酒又係我嘅！」他表示最鍾意食鮑魚、飲紅酒，而因為臨近中秋節，遂推出兩款月餅，包括無糖月餅，「出嚟同大家分享下囉」。
有記者問到為何特別參加家鄉市集，陳百祥稱只是受邀，「假日join下，喺維園賣吓嘢，大家開心食吓嘢，無咩特別呀」。記者追問，6月在維園舉辦活動是否較熱，陳百祥就稱：「無問題呀！六月都跑馬！啲馬都無事！聽日都跑馬！」他表示，天氣熱應游泳、踢波及跑馬：「做吓食嘢賣嘢都無乜問題。」
記者追問對政治氣氛看法 陳百祥發火：我又唔係政治人物
記者又問陳百祥，是否有留意維園在過去在6月4日舉辦晚會，陳百祥就稱：「呢個世界每日都會變㗎嘛，邊個book 咗邊個做自己做嘅嘢，時間會唔同嘅。」記者追問，有否感到香港的社會氣氛已經不同，陳百祥只表示：「無咩慣唔慣嘅，你入去國家睇吓，有無呢啲晚會？都無㗎，一樣嘅，我哋一國兩制，慢慢慢慢融入國家㗎啦，以經濟行先㗎嘛！」
該名記者再問陳百祥，對本港現時政治氣氛的看法。陳百祥感到不滿並發火：「你一路喺度好似問我政治問題！我喺度賣酒做緊生意咋喎！我唔答呢啲！我又唔係政治人物，你應該問特首呀嘛！」
