【獨媒報導】港人北上消費熱潮持續，除了吃喝玩樂，亦會到戲院睇戲。被問到本地票房是否有影響，香港戲院商會理事長袁彥文表示，難言北上看電影會否成為趨勢，但認為在香港睇戲十分方便，對香港戲院未來感到樂觀，「始終有優勢喺度」。
本身是英皇影業集團總經理的袁彥文。他今日出席「全港戲院日」記者會。被問到有港人近日北上看電影，袁彥文指每一段時間都有不同熱潮，例如疫情時行山、追偶像，近期則是到出外旅遊、到內地消費，指內地戲院觀影體驗、文化與香港非常不同，強調對香港戲院有信心：「內地佢哋可以喺戲院裡面影個mon，佢哋唔介意喺戲院內面傾電話，喺香港大家都知道好尊重觀影體驗，有啲人試過之後，都會同我哋睇，成個感受都差好遠。」
復活節票房扣除《12怪盗》錄雙位數跌幅
談到剛過去的復活節假期票房，袁彥文指票房較去年同期好，但就有一個現象，由男子組合MIRROR主演的電影《12怪盗》佔了一部分票房。袁彥文形容是可一不可再的情況：「如果扣除嗰個因素情況下，今年喺復活節都有雙位數跌幅，票房上面。」
「全港戲院日」繼去年後再次舉辦，袁彥文指去年共有22萬人次參與，屬「好好」、「好高」，但認為有疫後復常的因素：「覺得今年入場人次會有挑戰性，都希望可以做到舊年嘅成績。」
認一次活動對生意幫助屬杯水車薪 盼帶動睇戲氛圍
被問到戲院去年票房約14億元，與2019年仍有差距，「全港戲院日」是否能真正帶動行業。袁彥文認為，戲院票房視乎市民氣氛，「會唔會出街，食飯行街睇戲」，希望活動能帶動氛圍，加上在去年復常後，荷里活、港產電影的上映數目都減少，今年亦可能有類似情況，期望明年下半年或後年回復正常。
袁彥文承認，一次性活動對生意的幫助只屬杯水車薪：「我認為係一個氣氛，正如金像獎頒獎典禮，每年都係一件盛事。佢幫到幾多票房？其實唔係淨係睇經濟效益，係成個產業，我哋其中戲院一個主要窗口。覺得應該係一件事，同市民一齊去分享，所以有全港戲院日。」