【獨媒報導】保安局局長鄧炳強今日在社交媒體再發佈《小角色﹒大人物》系列專訪影片，訪問導演高志森。曾於對方作品《開心鬼》任特約演員的鄧炳強叫高志森評價其現時的演技，高志森口窒窒指：「我諗你宜家應該已經豁出去啦，同埋有咗咁多生活歷練，然後你仲知道咩係幽默感同節奏感，咁肯定係進步好大啦。」鄧炳強即「回禮」笑稱：「其實我啲幽默感都係睇你啲片學返嚟，做人最緊要開心。」
鄧炳強與高志森在30多年前於片場結緣，鄧炳強在2020年接受對方訪問時自爆曾出演1984年的《開心鬼》，擔任俗稱「茄哩啡」的特約演員，令高志森當時多次驚呼：「吓？咁大件事！」同場的專欄作家屈穎妍追問鄧炳強去拍電演的原因，鄧炳強就稱：「搵食呀嘛，兼職又讀書。」
影片截圖
鄧炳強今年獲留任保安局局長後，正式開設個人社交媒體帳戶頻頻出片，早前更「訪問」由演員扮演的「騙徒」，講述東南亞「賣豬仔」詐騙案。他問高志森「宜家覺得我啲戲點呀？」高志森小心翼翼作答：「嗱，你第一部戲《開心鬼》，你表現應該係好好嘅，所以副導演拍《聖誕快樂》嘅時候又請你嚟幫我哋做特約⋯⋯我諗你宜家應該已經豁出去啦，同埋有咗咁多生活歷練，然後你仲知道咩係幽默感同節奏感，咁肯定係進步好大啦。」
高志森指年少成名飄飄然、脾氣大
鄧炳強又指高志森年少已成名，會否有「飄飄然」或壓力大的時候，高志森直認「飄飄然多少都有啲，尤其是年少氣盛嘅時候」，又指自己有壓力就會發脾氣，在片場一不順利便會發火，直至後來被前輩「點醒」，向他指「發脾氣係無能嘅表現，你有能力解決問題就唔洗發脾氣」。
鄧炳強打蛇隨棍，追問高志森有否因為脾氣差而損失機會與朋友，高志森則指「未去到咁」，指通常是現場解決不了問題，便向工作人員發脾氣，「通常有咁嘅得失，但更重要係件事唔係解決得好」。
高志森（影片截圖）
寄語年輕人「唔好怕蝕底」
被問到有甚麼寄語年輕人，高志森稱「唔好怕蝕底」：「盡量做，即係你越係年青入行，或喺學校幫同學做個project，就唔好下下計較。乜都做，乜都試。」鄧炳強亦附和指：「看似蝕底，其實著數咗，因為學多咗呀嘛。」
鄧炳強最後又指可以為高志森做一件事，高志森稱希望可以盡快穩定香港社會，「保安局唔係話政策上嘅嘢，仲有民心上嘅嘢。」