【獨媒報導】立法會工務小組今早通過第二批簡約公屋98.4億撥款，並在不記名投票下，否決於財委會作進一步討論，撥款將於直接提交財委會表決。實政圓桌田北辰會後向記者抱怨稱現時立法會有「奇異現象」，不滿今次涉及撥款近百億元，但很多議員竟認為不需再討論：「呢單嘢90幾億，竟然好多議員覺得唔需要再上嚟財會再傾。」他坦言已盡力做好議員本份追問政府：「我問嘅嘢官員都覺得有需要答，但竟然冇場合俾佢答。」
第二批的9個簡約公屋項目，包括4個位於柴灣常安街/常平街、屯門第54區、小欖樂安排和馬鞍山恆光街項目，提供約1.24萬個單位。另外，局方將改裝5間分別位於上水、觀塘和黃大仙的空置校舍，提供約600個單位。
田北辰會後重申關注小欖樂安排項目交通問題及貼近飛機嘈音界線等情況，希望局方再於財會中交代，但不滿有不少議員拒絕再討論：「佢（政府）都話需要交代，竟然係我要求嚟財會嘅時候，有其他議員就覺得唔需要。我記得撐我有約4個，覺得唔需要就8、9個，總之佢就唔使嚟財會啦。」
田北辰續形容現時立法會有「奇異現象」：「呢單嘢90幾億，竟然好多議員覺得唔需要再上嚟財會再傾。」他舉例指早前荔枝角收押重建項目涉及逾50億公帑，財委會亦討論了3個多小時，「我都有啲唔係好明，相信係今日反對嘅同事覺得我問嘅嘢係無關緊要啦。咁無關緊要，政府都至少有個答案呀，佢又冇喎。」
他強調政府亦有意再出席會議交代項目細節：「政府係煞有其事話佢都要覺得需要講清楚，佢會遲啲搵我，係咁嘅大前提下，都希望去到財會交代。每一個人問一次，咁咪舉手（表決）囉。但宜家唔係，去財會都冇，唔使問嘅，咁到底佢俾我答案係點，咁我又唔知。」他坦言不知政府會否另行再向他交代，屆時投票意向將視乎期間是否收到局方回覆文件。
田北辰最後又指已盡議員本份：「我田北辰做立法會議員，審議政府所有要用錢嘅項目，我做到盡啦，我盡咗我本份，我做到盡啦。我問嘅嘢官員都覺得有需要答，但竟然冇場合俾佢答。」