【獨媒報導】參選行政長官的李家超今日和選委見面，他在中午見記者時，有記者質疑李家超任政務司司長期間，民望淨值為負數，「你自己點睇個數字？你會點樣爭取返市民嘅支持？」李家超表示會作參考，但認為市民對政府的批評「無論喺咩時候都存在」。
李家超解釋稱：「如果以香港整體，而係亦都做到一個好客觀全面嘅判斷評估噉，咁都要去做。但要盡量解釋俾市民聽，點解我係咁做。我亦都知道，好可能有啲事情呢，會對某一啲人士製造一啲唔方便，我諗係一個真誠態度係重要嘅。」
他認為，在任何崗位均有支持和反對聲音：「我係四十幾年嘅公務生涯呢，我絕對明白嘅。批評又好，輿論又好，或者一啲民望上嘅統計又好，都係要參考。」
先取提名再寫政綱 未提會否落區見市民
被問到會否落區見市民，李家超則稱先要在報名前取得足夠及理想的提名數目，並盡快寫好政綱，然後和競選辦討論下一步的工作。
有記者問李家超口中的「以結果為目標」，具體上如何做到和內地及國際通關，李家超強調，現屆政府努力管控疫情，從而做到和內地通關，及和世界接軌，稱下屆政府亦會以此為目標，稱會從不同方面探討可能性：「大家就係要做好防疫措施，令到我哋可以數字下降兼且可以清零，呢個係目標嚟嘅！」