【獨媒報導】香港回歸25周年，前全國人大常委范徐麗泰接受訪問，認為港人在未有平穩生活前不應講民主，「教訓我哋所有香港市民，唔好再喺度有啲咩民主、好重視人權。其實我哋基本權利就係，做咁多工作希望可以攞返咁多報酬。而呢啲報酬可以令我生活平穩，甚至有少少增長。如果做唔到呢啲，乜嘢民主都無用。」她表示，因為國民教育不足令年輕人被誤導，才參與2019年「黑暴」及六四晚會。
范徐麗泰接受商台訪問，指2019年「黑暴」及六四晚會均有不少年輕人，質疑他們在回歸前只得10歲或未出世，「佢哋喺邊度攞呢啲料呢？呢啲料咪就係反共，甚至反中嘅團體有計劃有意識地俾佢哋？」、「呢啲反中嘅團體點解有咁多資源呢？真係眾籌返嚟呀？」
她認為，該些資金來自美國國會轄下機構，「其實人哋就喺度計劃，同行動咗廿幾年，我哋就根本懵懵下，所以結果發生黑暴呢啲事情，都係好㗎⋯⋯好嘅就係知道做少咗啲咩，應該點做。」
范徐麗泰：年輕教師遭外國勢力感染
在訪問中，范徐麗泰強調自己是中國人，學校教師應讓學生認識中國歷史、文化，及做好國民教育，「25年嚟，只有越嚟越去羡慕認同西方個套，而唔知道我哋國家都係有好多值得欣賞、學習嘅嘢。」
她斥外國為壓制中國發展，必然會打擊香港，包括2019年反修例運動、2014年佔領運動及2012反國教，「呢啲其實都係有人喺後面喺度組織，組織嗰啲我哋知道係咩人啦。」
范徐麗泰表示，曾向官員建議在校內升旗，遭回答稱沒有預算，而及後在七一及十一升旗，「嗰兩日係public holiday，無學生，係校工升旗！」她認為政府「懶懶閒」，對方即外國勢力卻非常努力，不少年輕教師亦遭感染，「覺得係呀，我哋係要民主，但你嗰個係一黨專政，共產黨係專制」，令年輕人未有機會了解國家。
在回歸前，范徐麗泰曾任行會成員及臨立會主席，她指在前港督衞奕信治下仍和中方有傾有講，但彭定康上任後為造就親英的民主派，將1995年的立法會選舉改革，包括新九組，即新增九個功能組別。
轟彭定康為港埋下炸彈 解散政治部令港府失耳目
范徐麗泰認為，當選的29名民主派在政治上為彭的盟友，但在其他事上則和政府打對台，更通過七條勞工權益法，「政府官員好反對，但彭定康照簽。」她指出，彭定康更改變港人對政府的期望，訂立標準予政府部門，造成「香港唔好，係政府嘅事」，令政府在回歸後成為服務型政府。
對於彭定康，范徐麗泰甚為勞氣，她斥對方在任期間為香港埋下多個炸彈，包括解散政治部，將敏感資料和文件搬到英國，相關官員獲居英權，「令到特區政府成立，無咗呢對眼、呢對耳，聽唔到睇唔到，邊啲人喺香港搞嘢，茶毒緊我哋啲後生仔嘅心態。」
指司徒華離世後 民主黨對中國感情越來越薄
至於民主派，范徐麗泰則指司徒華在生時的民主黨，即使批評政府亦希望政府做得更好，在對方離世後，民主派及民主黨亦對中國的感情越來越薄；及後2010年政改即超級區議會方案，民主黨曾到中聯辦會見官員，令他們以為2014年亦會獲得相同待遇。
范徐麗泰強調，戴耀廷令大學生及年輕人變得激進，而最可惜的是民主黨未有「曉以大義」，更為了選票而表示支持，「呢個就係香港所謂民主力量嘅失敗。」
幾時有雙普選？ 范徐麗泰：民心回歸後就有
她指回歸後，中央較關心平穩過渡、民心安定，並繼續發展經濟，沒想過有外來勢力破壞香港，導致外人乘虛而入，更造成貧富懸殊加劇，「到今時今日都可以算係世界上前三名」。
被問到雙普選，范徐麗泰則指當民心回歸便有，「絕大部分嘅香港人都知道係住喺中國嘅香港人，唔會做任何嘢係不利於國家嘅發展，同香港嘅發展嘅時候，就係雙普選嘅時候。」至於社會復和，范徐麗泰指如市民認為政府能盡心盡力解決問題，並尊重法律，社會便能慢慢融合，但或要5至10年。