（獨媒報導） Omicron第五波爆發在即，但最少10名高官、19名立法會議員無視防疫指引，出席港區人大代表洪為民的百人生日宴，何君堯更在宴會後兩日北上見國務院港澳辦主任夏寶龍。何接受《獨媒》查詢時表示，當晚逗留約一小時，承認當晚有除下口罩：「食嘢、飲香檳，好正常。」他反指新年升旗禮也有大批人出席：「點解升旗禮可以？1月1同1月3有咩分別啫？都係好彩唔好彩咋嘛。」
承認有除罩飲食 會晤夏寶龍時全程戴口罩
何君堯向《獨媒》確認，自己在1月3日晚6時半抵達餐廳，7時半前已離開，當晚沒見過確診的榮源茶行太子女王詩雅和現須檢疫的民政事務局局長徐英偉，但承認有見到其他官員。他稱「個好場合好多人打招呼」，承認當晚部分時間無戴口罩，稱「有食嘢，有飲香檳，好正常」。
他亦強調，在會晤夏寶龍時全程戴口罩，在1月4日進行一次檢測，1月5日進行兩次，結果全部陰性。他今日會再接受檢測。
記者問為何疫情嚴重仍要冒風險出席派對，何君堯指「全世界都嚴㗎啦」，認為政府沒有限制公眾聚集，他只是跟隨政府標準，反問「有咩錯啫」。他指出，1月1日升旗同樣有大型聚會，「12月中已有omicron，點解升旗禮全部都可以出席？」他多次強調，1月3日的生日派對與升旗禮「根本無分別，有咩分別啫，你地個個唔好事後孔明先得㗎」，又指事件有沒有引致感染危機，「都係好彩唔好彩咋嘛！」
林鄭失望 何君堯指不通關更失望
特首林鄭月娥對參加生派對的人表示「失望」，何君堯作為出席者如何看這番話？他表示：「佢失望一回事，全香港好多人都好失望㗎，點解兩年都未通關嘅，呢啲失望咪仲大。」他又再強調當晚聚會是合法。
日後仍然會照常出席派對？何君堯指若五波爆發：「如果仲出嚟胡混，咁呢啲就值得譴責。」他重申1月3日時未有限制，亦無人預知病毒會擴散，「有咩好嬲啫，無嘢好嬲㗎？」但其實衞生防護中心已在除夕前提醒Omicron危機，呼籲市民減少聚集，何君堯大聲表示「呼籲啫，呼籲同有例係兩回事，依法辦事唔係依呼籲辦事！」